Санаи 24.06.2022 дар Муассисаи давлатии “Маркази дарёфт ва рушди истеъдодҳои назди Сарраёсати маорифи шаҳри Душанбе” ҷаласаи Кумитаи тадорукоти Олимпиадаи байналмилалии “ISI Junior-2022” таҳти раёсати Исмоилзода Баҳром Мансур - сардори Сарраёсати маорифи шаҳри Душанбе баргузор гардид, ки дар кори ҷаласа инчунин Асҳобиддини Шералӣ - директори Муассисаи давлатии “Маркази дарёфт ва рушди истеъдодҳои назди Сарраёсати маорифи шаҳри Душанбе”- котиби масъули Кумитаи тадорукот, аъзоён Каримзода Шавкат - директори Муассисаи давлатии “Маркази таҳлилӣ-иттилоотии назди Сарраёсати маорифи шҳари Душанбе”, Аминҷонзода Парвина - сармутахассиси Сарраёсати маорифи шаҳри Душанбе, директорони Марказҳои ноҳиявии дарёфт ва рушди истеъдодҳои пойтахт ва директорони Литсейи №1, 3 барои хонандагони болаёқати шаҳри Душанбе ва директори “Литсейи интернати Президентӣ барои хонандагони болаёқати Ҷумҳурии Тоҷикистон” дар шаҳри Душанбе ширкат варзиданд. Дар ин бора аз Маркази дарёфт ва рушди истеъдодҳои назди Сарраёсати маорифи шаҳри Душанбе иттилоъ доданд.

Сараввал Сардори Сарраёсати маорифи шаҳри Душанбе Исмоилзода Б.М. вобаста ба Қарори Раиси шаҳри Душанбе аз 9 феврали соли 2022, №89 “Дар бораи баргузории Олимпиадаи байналмилалии “ISI Junior-2022” аз фанни технологияи иттилоотӣ дар шаҳри Душанбе маълумот дода, қайд намуд, ки Олимпиадаи мазкур бо мақсади амалисозии тадбирҳо вобаста ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф», рушди тафаккури техникӣ, тарғиби ҷаҳонбинии илмӣ, ҷалби хонандагони муассисаҳои таҳсилоти миёнаи умумӣ ба омӯзиши амиқи фанҳои риёзӣ, дақиқ ва табиӣ, дарёфт ва муаррифии истеъдодҳои нав дар ин самт ва дар ин замина мусоидат намудан дар касбинтихобкунии наврасон аз рӯйи ихтисос ва касбҳои ба фанҳои мазкур алоқаманд баргузор карда мешавад.
Дар идома ҷиҳати дар сатҳи баланди ташкиливу ғоявӣ баргузор намудани Олимпиадаи байналмилалии “ISI Junior-2022” ба масъулин ва шахсони вобасташуда дастуру супоришҳои мушаххас дода шуд. Ҳамзамон атрофи масъалаи ташкилу баргузории семинарҳои омӯзишӣ барои омӯзгорону роҳбарони муассисаҳои таълимӣ дар мавзуҳои “Роҳҳои дарёфт ва омода намудани хонандагон ба олимпиадаи байналмилалии “ISI Junior-2022”, “Олипиадаи фаннӣ чун воситаи ташаккули заҳираҳои зеҳнии шахсият” ва “Ҳалли масъалаҳои ғайристандартӣ дар олимпиадаҳо аз фанҳои дақиқ ва фарқияти онҳо аз ҳалли масъалаҳои анъанавӣ” ибрози андеша карда шуд.
Бояд тазаккур дод, ки бо ташаббуси бевоситаи Раиси шаҳри Душанбе муҳтарам Рустами Эмомалӣ бори аввал Олимпиадаи байналмилалии “ISI Junior-2022” дар шаҳари Душанбе аз фанни технологияи иттилоотӣ аз санаи 1 то 7 июли соли 2022 баргузор мегардад.
Маврид ба зикр аст, ки дар Олимпиадаи байналмилалии “ISI Junior-2022”, ки дар шаҳри Душанбе баргузор мегардад 27 дастаҳои олимпии наврасон бо шумораи 158 нафар хонандагон ва 28 мураббӣ аз давлатҳои Тоҷикистон, Қирғизистон, Ӯзбекистон, Белоруссия, Афғонистон, Туркаминстон ва Федератсияи Россия иштирок менамоянд.
Ҳамзамон хонандагон аз давлатҳои Озарбойҷон, Муғулистон, Ҳиндустон, Шри-ланка, Хитой, Сурия ва Куба бо теъдоди 20 даста, ки шумораи онҳо 134 нафарро ташкил медиҳанд ба тариқи фосилавӣ дар Олимпиадаи мазкур ширкат меварзанд.
Инчунин дар рафти ҷаласа зикр гардид, ки ташкилу баргузории Олимпиадаи байналмилалии “ISI Junior-2022” дар пойтахти кишварамон ба баланд бардоштани обрӯву нуфузи мамлакат ва муаррифии шоистаи он дар арсаи байналмилалӣ саҳми арзанда хоҳад гузошт.

Аз 1 июли соли равон дар Ҷумҳурии Тоҷикистон қабули хонандагони синфи якум ба соли таҳсили 2022-2023 оғоз мегардад, иттилоъ додан аз Раёсати таҳсилоти миёнаи умумии Вазорати маориф ва илми Ҷумҳурии Тоҷикистон 

Тибқи Низомномаи намунавӣ Вазорати маориф ва илми мамлакат, дар муассисаи таҳсилоти миёнаи умумӣ барои ба синфи якум қабул намудани хонандагон ҳуҷҷатҳои зерин: варақаи шахсии хонанда, ду дона расми се ба чор, аризаи волидайн оид ба қабул, шаҳодатномаи таваллуди кӯдак, ҳуҷҷати тиббӣ, ду нусхагӣ шиносномаи волидайн, шаҳодатномаи ақди никоҳ ва маълумотнома аз ҷой зист талаб карда мешаванд.

«Тибқи Барномаи омода намудани кӯдакони 7-сола ба таҳсил ба синфи 1-ум (барои як моҳ), ки бо Қарори мушовараи Вазорати маориф ва илми Ҷумҳурии Тоҷикистон тасдиқ гардидааст, баъд аз номнавис гардидани хонандагон аз 1 август оғоз мешавад. Дар ин давра ба хонандагони синфи якум давраи шиносоӣ гузаронида мешавад»

"ИЛМ-ФУРУҒИ МАЪРИФАТ "
Бо Амри Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон соли дуюм аст, ки дар минтақаҳои кишвари азизамон озмуни ҷумҳуриявии "Илм-фурӯғи маърифат" баргузор гардида истодааст.
Озмуни мазкур барои васеъ намудани донишу малака ва тақвият бахшидани тафаккури техникии омӯзгорону хонандагон ва ҳам донишҷӯёну олимон мусоидат менамояд.
Санаи 23.05.2022 дар МТМУ N101 даври дуюми (ноҳиявӣ) озмуни ҷумҳуриявии "Илм-фуруғи фуруғи маърифат" баргузор гардид. Аз Литсей-интернати Президентӣ барои кӯдакони болаёқати Ҷумҳурии Тоҷикистон" дар шаҳри Душанбе омӯзгорон ва хонандагон фаъолона ширкат варзида,:
Чунин натиҷаҳоро соҳиб шуданд:

Математика:

Кӯдакони меҳрубону саодатманд!

Имрӯз, 1 июн дар ҷаҳон 72 - умин солгарди Рӯзи байналмилалии ҳифзи кӯдакон ҷашн гирифта мешавад. Ҳамаи Шуморо бо фарорасии Рӯзи байналмилалии ҳифзи кӯдакон самимона табрику муборакбод намуда ба шумоён осмони софу беғубор, хотири ҷамъ, саломатии бардавом ва хушбахтӣ таманно дорам.

Ҳар сол чун анъана санаи 1-уми июн дар сартосари ҷаҳон Рӯзи байналмилалии  ҳифзи кӯдакон ботантана таҷлил мегардад. Ин санаи муҳим ба мо ҳушдор медиҳад, ки масъулияти саломатӣ, тарбияи маънавии кӯдакону наврасон, фароҳам овардани шароити мусоиди таълиму тарбияи онҳо дар мактаб ва оила, инкишофи эҷодиёти бачагон ва тайёр намудани онҳо ба зиндагии оянда ба дӯши мо кормандони соҳаи маорифи кишвар аст. Басо хушоянд аст, ки дар кишвари маҳбубамон Тоҷикистони соҳибистиқлол ҳамасола 1-уми июн ҳамчун рамзи дастгириву пуштибонӣ ва таваҷҷуҳ ба ояндаи дурахшони насли шоистаи замон Рӯзи байналмилалии ҳифзи кӯдакон бо шукуҳу шаҳомати хоса таҷлил мегардад. 

Бо шарофати сиёсати оқилона ва заковати хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳифзу ҳимояи оила, кӯдак ва волидайн дар меҳвари давлатдории навини тоҷикон қарор дошта, рукни муҳими ҳаёти ҷамъиятӣ ба шумор меравад.

Боварӣ дорам, ки Шумо, дӯстрӯякон, ҳамчун насли нави фардосози тоҷикон баҳри пешрафту шукуфоии Тоҷикистони азизамон садоқатмандона саъю кӯшиш намуда, бо ташаббусҳои наҷиб, талошҳои пайгирона, дастовардҳои фикриву эҷодӣ, варзишӣ ва хониши хубу аъло барои баланд бардоштани нуфуз ва эътибори Ватани маҳбубамон саҳм мегузоред.

 Cоли 1949 намояндагони конгресси занон, ки дар Париж мегузашт, аз ҳама мардуми олам даъват ба амал оварданд, ки барои сулҳ мубориза баранд, зеро танҳо сулҳ метавонад ҳаёти хушбахтонаи кӯдаконро муҳайё созад. Ба ин тариқ, Рӯзи байналмилалии кӯдакон таъсис ёфт, ки аввалин идаш 1 июни соли 1950 барпо гардид ва он то имрӯз ҷашн гирифта мешавад.

Соли 1959 аз ҷониби Созмони Милали Муттаҳид Изҳороти ҳуқуқи кӯдак қабул карда шуда, аз ҷониби кишварҳои зиёд эътироф гардид. Баъдан соли 1989 ин ташкилот Созишномаи ҳуқуқи кӯдакро тасдиқ кард, ки вазифа ва уҳдадориҳои ҳама давлатҳоро нисбат ба шаҳрвандони ноболиғашон муайян намуд. Дар ин ҳуҷҷат уҳдадориҳои калонсолон ва ҳуқуқи кӯдакон сабт гардидаанд. Ин сана ба мо ҳамеша ҳушдор медиҳад, ки масъулияти саломатӣ, тарбияи маънавии кӯдакону наврасон, фароҳам овардани шароити мусоиди таълиму тарбияи онҳо дар мактаб ва оила, инкишофи эҷодиёти бачагон ва тайёр намудани онҳо ба зиндагии оянда ба дӯши мост. Мо онҳоро бояд дӯст дорем ва меҳру муҳаббати худро дар вуҷуди поки кӯдакон ҷой диҳем. 

Ногуфта намонад, ки Рӯзи байналмилалии ҳифзи кӯдакон парчами худашро дорад. Дар пасманзари сабз, ки рамзи рушд, ҳамоҳангӣ, тароват ва ҳосилхезиро нишон медиҳад, дар атрофи аломати Замин  шаклҳои услубии сурх, зард, кабуд, сафед ва сиёҳ ҷойгир карда шудааст. Ин шаклҳои одамон нишонаи  гуногунӣ ва таҳаммулпазириро мебошад. Рамзи Замин, ки дар марказ гузошта шудааст, аз хонаи умумии одамон дарак медиҳад. Ин шаҳодати он аст, ки одамон дар рӯи Замин дар фазои сулҳу субот ҳаёти осоишта ба сар бурда, фарзандони солимро барои ояндаи миллат дар рӯи ҷаҳон тарбия намоянд.

Воқеан, кӯдакону наврасон сарвати асосии ҳар як халқу миллат маҳсуб ёфта, ғамхорӣ ва фароҳам овардани шароити мусоид барои зиндагӣ ва барқарорсозии саломатии онҳо ҳамеша дар маркази таваҷҷӯҳи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати Ҷумҳурии Тоҷикистон қарор дорад ва яке аз самтҳои муҳими фаъолият ба ҳисоб меравад. Асосгузори сулҳу ваҳдати миллӣ – Пешвои миллат Президенти Ҷумҳурии Тоҷикистон, муҳтарам Эмомалӣ Раҳмон таълиму тарбияи фарзандонро аз рисолати наҷиби падару модар ва вазифаи муқаддаси ҳар як оила ва ҷомеа ҳисобида,   таъкид намудаанд: «Мо вазифадорем, ки наврасону ҷавононро дар рўҳияи арҷгузорӣ ба илму маърифат, худшиносию худогоҳӣ ва ватандўстию ватанпарастӣ тарбия кунем, то ки онҳо ворисони ҳақиқии ин давлату миллат буданашонро ботинан эҳсос намоянд ва барои ободии сарзамини аҷдодии хеш огоҳона саъю талош варзанд».
Бо Камоли эҳтиром ва саршор аз самимият кулли кӯдакону наврасони хушиқболи Ватани азизамонро ба муносибати Рӯзи байналмилалии ҳифзи кӯдакон таҳният гуфта, бо таманниёти беназир ва самимияти афзун барояшон пеш аз ҳама тансиҳатӣ, хониши хубу аъло, интизоми намунавӣ ва даврони босаодати наврасӣ, хандаи беғубори тифлӣ ва шодмониву нишоти бепоён тамоми хушиву беғамии кӯдакиро таманно дорем.
Рӯзи байналмилалии ҳифзи кӯдакон муборак бошад!

Соҳаи илму маориф аз соҳаҳои калидии ҳаёти ҷомеа ва омили муҳимтарини наҷоти миллат ва таҳкими давлат буда, инкишофи соҳаи маориф ҳадафи стратегии сиёсати давлатии Тоҷикистон ба ҳисоб меравад. Аз ин ҷост, ки ин мавзӯъ пайваста дар маркази таваҷҷуҳи Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон муҳтарамЭмомалӣ Раҳмон қарор дорад.
Президенти Ҷумҳурии Тоҷикистон муҳтарам Эмомалӣ Раҳмон дар Паёми хеш ба Маҷлиси Олии Ҷумҳурии Тоҷикистон аз 26 декабри соли 2019 таъкид доштанд, ки “Ба хотири боз ҳам беҳтар ба роҳ мондани омӯзиши илмҳои табиатшиносӣ, дақиқ ва риёзӣ, инчунин барои тавсеаи тафаккури техникии насли наврас солҳои 2020-2040 “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” эълон карда шаванд. Инчунин, пешниҳод менамоям, ки ҳамасола олимпиадаҳои ҷумҳуриявӣ, вилоятӣ, шаҳрӣ ва ноҳиявиро оид ба илмҳои табиатшиносӣ, дақиқ ва риёзӣ дар ҳамаи зинаҳои таҳсилот баргузор намуда, ғолибони озмунҳо аз ҷониби вазорату идораҳо, мақомоти иҷроияи ҳокимияти давлатии вилоятҳо ва шаҳру ноҳияҳо аз лиҳози моддиву маънавӣ қадрдонӣ ва ҳавасманд гардонида шаванд.”
Дар пайравӣ аз сиёсати маорифпарваронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмонва дастгирии Раиси шаҳри Душанбе муҳтарам Рустами Эмомалӣ хонандагони муассисаҳои таълимии пойтахт дар олимпиадаҳои ҷумҳуриявӣ ва байналмилалӣ сазовори комёбиҳои беш аз беш гашта истоданд. Боиси хушнудист, ки бори аввал дар ҳаракати олимпӣ дастаи хонандагони шаҳри Душанбе дар даври ҷумҳуриявии олимпиадаҳои фаннӣ дар соли хониши 2021-2022 соҳиби 1065 медал гардид, ки ин дастовард дар соҳаи маорифи пойтахт бесобиқа мебошад. Аз ин шумора 218 нафар ҷойи 1, 326 нафар ҷойи 2 ва 521 нафар сазовори ҷойи 3 гардиданд. Боиси тазаккур аст, ки аз ҳисоби умумии 1065 ҷойҳои ифтихорӣ 672 нафарашон муҳассилини муассисаҳои таълимии буҷетии шаҳри Душанбе мебошанд.
Бешубҳа дастоварди мазкур гувоҳи он аст, ки кор дар самти омода намудани хонандагон ба олимпиадаҳои фаннӣ ва озмунҳои зеҳнӣ, ки аз ҷониби Муассисаи давлатии “Маркази дарёфт ва рушди истеъдодҳои назди Сарраёстаи маорифи шаҳри Душанбе” ба роҳ монда шудааст, самарабахш ва манфиатовар мебошад. Зеро аксар ғолибони олимпиадаҳои ҷумҳуриявӣ ва байналмилалӣ ҷиҳати омодашавӣ дар Маркази дарёфт ва рушди истеъдодҳои назди Сарраёстаи маорифи шаҳри Душанбе ба таҳсилоти иловагӣ фаро гирифта шудаанд

ш. Душанбе. 27.05.2022. Шоми имрӯз дар Муассисаи давлатии “Маркази кӯдакон ва наврасони шаҳри Душанбе” бо иштироки роҳбарияти мақомоти иҷроияи ҳокимияти давлатии шаҳри Душанбе, вазорати маориф ва илми Ҷумҳурии Тоҷикистон, сохторҳои дахлдори ҷумҳуриявию шаҳрӣ, омӯзгорон ва кӯдакону наврасони эҷодкору соҳибистеъдод ва навовари пойтахт Маросими бошукӯҳи ҷоизасупорӣ ба ғолибони Фестивал – озмуни истеъдодҳои навраси шаҳри Душанбе «Шукуфаҳои пойтахт» ва бахшҳои озмунии “Ҳафтаи илм, технология, инноватсия ва ихтироъкории наврасону ҷавонони шаҳри Душанбе” баргузор гардид.
Чорабинии мазкур бо ибтикору ташабуси мақомоти иҷроияи ҳокимияти давлатии шаҳри Душанбе аз ҷониби Сарраёсати маорифи пойтахт ташкил гардида, он дар доираи чорабиниҳои “Ҳафтаи кӯдакон ва наврасони шаҳри Душанбе” ва “Ҳафтаи илм, технология, инноватсия ва ихтироъкории наврасону ҷавонони шаҳри Душанбе”, ки тибқи қарорҳои дахлдори Раиси шаҳри Душанбе муҳтарам Рустами Эмомалӣ эълон гардидаанд, баргузор карда шуд.

Илова бар ин, бо мақсади баланд бардоштани сатҳу сифати таҳсилот, ба эҷодкорию навоварӣ, ихтироъкорӣ, омӯзиши амиқи илмҳои дақиқ, ташаккули сатҳи фарҳанги техникӣ, тарғиби маданияти истифодабарии иттилооти интернетӣ, ҷорӣ намудани техникаю технологияи инноватсионии муосир дар раванди таълим, сайқал додани донишу маҳорат ва дастгирии ихтироъкорону навоварони наврасу ҷавон бо қарори Раиси шаҳри Душанбе муҳтарам Рустами Эмомалӣ аз 23 майи соли 2022, №249 аз 23 то 28 майи соли 2022 Ҳафтаи илм, технология, инноватсия ва ихтироъкории наврасону ҷавонони шаҳри Душанбе низ эълон карда шудааст.”
Маврид ба тазаккур аст, ки дар доираи “Ҳафтаи илм, технология, инноватсия ва ихтироъкории наврасону ҷавонони шаҳри Душанбе” Конференсияи илмӣ-эҷодии хонандагони муассисаҳои таълимии шаҳри Душанбе аз бахши фанҳои ҷамъиятӣ-гуманитарӣ ва табиӣ-риёзӣ баргузор карда шуда, дар умум дар кори он зиёда аз 450 лоиҳаҳои эҷодӣ пешниҳод карда шуд, ки аз миёни онҳо 150 нафарашон бо дипломҳои дараҷаҳои 2, 3 ва 25 нафарашон аз рӯи бахшҳои алоҳида соҳиби дипломи дараҷаи 1 гардиданд.
Инчунин, рӯзҳои сеюму чоруми Ҳафта Форуми наврасону ҷавонони шаҳри Душанбе оид ба технологияҳои иттилоотиву коммуникатсонӣ бо инобати муаррифии барномаҳои инноватсионии иштирокчиёни бахшҳои озмунии «Ҳафтаи илм, технология, инноватсия ва ихтироъкории наврасону ҷавонони шаҳри Душанбе» баргузор карда шуд, ки дар он зиёда аз 85 лоиҳаҳои инноватсионӣ аз ҷониби хонандагон муаррифӣ гардид. Дар умум муаллифони 10 лоиҳаҳои беҳтарини инноватсионӣ “Шоҳҷоиза”-и озмунро ба даст оварданд.
Рӯзи панҷуми Ҳафта бошад, Намоиши дастовардҳои инноватсиониву технологӣ ва ихтироъкории наврасону ҷавонони шаҳри Душанбе дар толори “Муассисаи давлатии Маркази дарёфт ва рушди истеъдодҳои назди Сарраёсати маорифи шаҳри Душанбе” баргузор карда шуд, ки дар он ихтироъкорони наврас 28 лоиҳаҳои худро муаррифӣ ва намоиш доданд, имрўз ҷоизадорони Форуми наврасону ҷавонони шаҳри Душанбе оид ба технологияҳои иттилоотиву коммуникатсонӣ ва Конференсияи илмӣ-эҷодии хонандагони муассисаҳои таълимии шаҳри Душанбе, дар вазъияти тантанавӣ бо туҳфаҳои таъсиснамудаи мақомоти иҷроияи ҳокимияти давлатии шаҳри сарфароз гардонида шуданд.
Фестивал – озмуни истеъдодҳои навраси шаҳри Душанбе “Шукуфаои пойтахт” бошад, бо мақсади дарёфт ва ҳавасманд гардонидани кӯдакону наврасони соҳибистеъдоди шаҳри Душанбе ва дар ин замина мусоидат кардан дар рушди маънавию зеҳнӣ, фароҳам овардани шароит ҷиҳати такомул додани завқу истеъдод, тарбияи фарҳангиву эстетикӣ, ҷалб намудани насли наврас ба корҳои эҷодиву ҳунарӣ ва фарогирии онҳо дар вақти холигӣ ба корҳои муфид гузаронида шуда, соли ҷорӣ он ҷиҳати амалисозии нақшаи чорабиниҳои Барномаи давлатии дарёфт ва рушди истеъдодҳои шаҳри Душанбе барои солҳои 2021 – 2022 доир карда шуд.
Бояд зикр намуд, ки Фестивали мазкур моҳҳои феврал – майи соли равон дар се давра, байни хонандагони синфҳои 1 - 9 муассисаҳои таҳсилоти миёнаи умумӣ аз рӯйи шартҳои “Ровиён”, “Суруди якка”, “Рақси якка”, “Рақси гурӯҳӣ”, “Хорсароӣ”, “Навозандагӣ”, “Маҳорати актёрӣ” ва ғайра доир гардида, дар маҷмуъ дар он зиёда аз 1000 нафар ширкат варзиданд. Ба даври шаҳрии Фестивал - озмун бошад, наздики 200 нафар роҳхат гирифта, пас аз ҳунарнамоӣ назди ҳайати ҳакамон 17 навраси соҳибистеъдод ва 9 ансамблу гурӯҳҳои худфаъолияти эҷодии назди муассисаҳои таълимӣ соҳиби ҷойҳои ифтихорӣ гардиданд. Маврид ба тазакур аст, ки дар тӯли инак чанд соли баргузорӣ Фестивал – озмуни истеъдодҳои навраси шаҳри Душанбе “Шукуфаҳои пойтахт” миёни озмунҳои фарҳангиву бадеии соҳаи маориф мавқеи хоса пайдо намуда, дар ин муддат наврасони зиёди соҳибҳунару соҳибистеъдодро кашф карда, дар рушди минбаъдаи ҳунару эҷодашон мусоидат намудааст.
Қайд кардан ба маврид аст, ки Фестивал – озмуни “Шукуфаҳои пойтахт” соли гузашта мақоми байналмилалиро касб намуда, дар доираи чорабиниҳои Барномаи байнидавлатии Иттиҳоди Давлатҳои Мустақил “Душанбе – пойтахти фарҳангии Иттиҳод-2021” бо дастгирии бевоситаи Раиси шаҳри Душанбе муҳтарам Рустами Эмомалӣ он бори аввал моҳи декабри соли 2021 бо ширкати зиёда аз 150 нафар наврасони эҷодкор гузаронида шуд.
Маросими ҷоизасупорӣ ба ғолибони Фестивал – озмуни истеъдодҳои навраси шаҳри Душанбе «Шукуфаҳои пойтахт» ва бахшҳои озмунии “Ҳафтаи илм, технология, инноватсия ва ихтироъкории наврасону ҷавонони шаҳри Душанбе” ба таври бошукӯҳ доир шуда, дар идомаи он барномаи фарҳангии омоданамудаи иштирокчиёни Фестивал – озмуни истеъдодҳои навраси шаҳри Душанбе «Шукуфаҳои пойтахт» пешниҳод гардид.
Сурасгузориш аз рафти чорабинии мазкур:

Субҳи имрӯз дар Муассисаи давлатии таълимии “Литсей-интернати Президентӣ барои кӯдакони болаёқати Ҷумҳурии Тоҷикистон” олимпиадаи даставии хонандагони синфҳои 9-10 муассисаҳои таҳсилоти умумии ҷумҳурӣ аз фанҳои табиӣ-риёзӣ баргузор гардид. Дар он  Абдулзода Зиёдулло Назар муовини вазири маориф ва илми Ҷумҳурии Тоҷикистон, директори маркази ҷумҳуриявии дарёфт ва рушди истеъдодҳо Нусратулло Саломиён, директори  МДТ “Литсей-интернати Президентӣ барои кӯдакони болаёқати Ҷумҳурии Тоҷикистон” Ғайратзода Лайло Диловар, намояндагони раёсату шуъбаҳои маориф, омӯзгорону волидон ва хонандагон аз тамоми манотиқи кишвар иштирок намуданд.

Шакаров Ҷовид Холиқбердиевич омӯзгори фанни “Асосҳои давлат ва Ҳуқуқ” Литсей-интернати Президентӣ барои кӯдакони болаёқати Ҷумҳурии Тоҷикистон барои хизматҳои бисёрсолаи бенуқсон дар соҳаи маориф, саҳми арзанда дар таълиму тарбияи насли наврас, тайёр намудани кадрҳои болаёқат ва иштироки онҳо дар олимпиадаҳои фаннӣ, иштироки фаъолона дар ҳаёти ҷамъиятӣ бо нишони Аълочии маориф ва илми Тоҷикистон қадрдонӣ карда шуд. Роҳбарияти МДТ “Литсей-интернати Президентӣ барои кӯдакони болаёқати Ҷумҳурии Тоҷикистон” Ғайратзода Лайло Диловар аз заҳматҳои ин омӯзгори ҷавон ёдовар шуда барояшон аҳсану офарин гуфта ва дар корҳои минбаъдашон барору комёбӣ, мувафаққият орзӯ намуданд.