Бо пайгирӣ аз сиёсати маорифпарваронаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва бо дастгирии Мақомоти иҷроияи ҳокимияти давлатии шаҳри Душанбе аз ҷониби Муассисаи давлатии “Маркази рушди истеъдодҳои назди Сарраёсати маорифи шаҳри Душанбе санаи 9 апрели соли ҷорӣ дар МД “Мактаби бачагонаи санъат ба номи Одина Ҳошим” дар шаҳри Душанбе маросими ҷоизасупории ғолибони даври сеюми (шаҳрӣ) Олимпиадаҳои фаннии хонандагони муассисаҳои таълимии шаҳри Душанбе баргузор гардид.
       Дар маросими ҷоизасупорӣ  дар асоси раддабандии Кумитаи тадорукот барои ноил гардидан аз рӯи миқдори ҷойҳои ифтихории дар Олимпиада бадастоварда 
аз рӯи номинатсия  "Даҳгонаи беҳтарин дастаи олимпӣ (типи нав) муассисаҳои таълимии шаҳри Душанбе“ МДТ "Литсейи президентӣ барои хонандагони болаёқати Тоҷикистон" бо гирифтани 83 ҷойи ифтихорӣ  сазовори ҷойи 2-юм  гардид.
Ин дастовард натиҷаи шароитҳои муҳайёгардонидаи сарпарасти муассиса Президенти Ҷумҳурии Тоҷикистон ва заҳматҳои шабонарӯзии директори литсей Ғайратзода Лайло Диловар, муовини директор оид ба корҳои олимпӣ Чубенко Лилия Владимировна ва  омӯзгорон мебошад. 
     Аз номи маъмурияти муассиса ба ҳамаи он нафароне, ки меҳнат намуда литсейро чунин муаррифӣ менамоянд, изҳори сипос баён менамоем.
                                                                                                                                                                                                                                            09.04.2025С       ш. Душанбе

Санаи якуми апрели соли 2025 дар Фурудгоҳи байналмилалии Душанбе маросими истиқболи ғолибони Олимпиадаи байналмилалии Infomatrix-Asia 2025 сурат гирифт. Дар маросими пазироӣ муовини директори Маркази ҷумҳуриявии дарёфт ва рушди истеъдодҳо, директорони муассисаҳои таълимии кишвар, омӯзгорон, хонандагон ва волидайн ширкат варзиданд.
Олимпиадаи байналмилалии Infomatrix-Asia 2025 аз 29 то 31-уми март дар шаҳри Остонаи Ҷумҳурии Қазоқистон аз рӯйи 9 категория баргузор гардид, ки дар он 4 нафар хонандагони МДТ "Литсейи президентӣ барои хонандагони болаёқати Тоҷикистон" бо роҳбарии омӯзгори фанни технологияи иттилоотӣ Давлатов Амрулло Шамсуллоевич иштирок намуданд. Дар натиҷа аз рӯи номинатсияи Computer Graphics and Art
Хонназарзода Анис хонандаи синфи 11 ва Муҳаммадиева Латифа хонандаи синфи 9 сазовори ҷойи 3-юм медали биринҷӣ ва аз рӯи номинатсияи Hackathon Arduino (робототехника)
Холиқзода Дамир хонандаи синф 10 ва Исоев Самир хонандаи синфи 8 сазовори ҷойи 2-юм медали нуқра гардиданд.
Бо истифода аз фурсат аз номи ҷомеаи меҳнатии литсей ба сарпарасти муассиса Президенти Ҷумҳурии Тоҷикистон муҳтарам Эмомалӣ Раҳмон, Вазорати маориф ва илми Ҷумҳурии Тоҷикистон, Маркази ҷумҳуриявии дарёфт ва рушди истеъдодҳо, Сарраёсати маорифи шаҳри Душанбе самимона изҳори сипос баён менамоем.
Ба хонандагон, ба муаллимашон Давлатов Амрулло ва падару модари хонандагон барои заҳматҳояшон ташаккур ва ин дастовардро ба кулли хонандагону омӯзгорон, падару модарон ва нафароне, ки ба илм таваҷҷуҳ доранд, муборак мегӯем.

Имрӯз дар Муассисаи давлатии «Маркази  ҷумҳуриявии муассисаҳои таҳсилоти иловагӣ»-и назди Вазорати маориф ва илми Ҷумҳурии Тоҷикистон даври  ниҳоии Озмуни ҷумҳуриявии «Беҳтарин роҳбари Созмони хонандагон» баргузор гардид. Дар озмун довталабон аз вилоятҳои Суғд, Хатлону Бадахшон, ноҳияҳои тобеи марказ ширкат варзиданд.  Роҳбари Созмони хонандагони Литсейи президентӣ барои хонандагони болаёқати Тоҷикистон дар шаҳри Душанбе  Усмонов Абдулхайр Асрорович дар Озмун аз худ донишу малакаи баланди кордонӣ нишон дода, баъди хулосабарории ҳайати ҳакамони Озмун сазовори ҷойи аввал ва ғолиби Озмуни «Беҳтарин роҳбари Созмони хонандагон» дониста шуд.

ХОНАНДАГОНУ ОМӮЗГОРОНИ ЛИТСЕЙИ ПРЕЗИДЕНТӢ  ҒОЛИБИ ОЗМУНИ  БАЙНАЛМИЛАЛИИ «КАШФИ ОЛАМИ МОЛИКИЯТИ ЗЕҲНӢ» ДАР ҶУМҲУРИИ БЕЛАРУСИЯ
31 январи соли 2025 дар Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон маросими супоридани ҷоизаҳои иштирокчиёни сеюмин Озмуни байналмилалии «Кашфи олами моликияти зеҳнӣ», ки дар Ҷумҳурии Беларусия баргузор гардид ва дар он хонандагони муассисаҳои таҳсилоти миёнаи умумӣ, миёнаи касбӣ ва олии кишвар, инчунин омӯзгорон иштирок намуданд. 
Бояд қайд кард, ки дар чорабинии мазкур хонандагони муассисаҳои таҳсилоти миёнаи умумӣ, миёнаи касбӣ ва олӣ, инчунин омӯзгорон аз кишварҳои аъзои Ташкилоти патентии Авруосиёӣ иштирок намуданд. Чорабинии мазкур аз моҳи сентябр то декабри соли 2024 идома ёфта, дар он зиёда аз 900 нафар иштирокчиён аз ҷумҳуриҳои Тоҷикистон, Белорус, Қазоқистон, Федератсияи Россия ва дигарон иштирок варзиданд.
Ҳамзамон, бо роҳнамоии Идораи патентии Тоҷикистон зиёда аз 60 нафар ҷавонони кишвар дар озмуни номбурда иштирок намуданд, ки 4 нафар сазовори ҷойҳои намоён гардида, бо ҷоизаҳо ва тӯҳфаҳои хотиравӣ сарфароз гардонида шуданд, аз ҷумла:
1. Ҷойи аввал - Назаров Аҳмадҷон Тоҳирович, донишҷӯи Донишгоҳи миллии Тоҷикистон;
2. Ҷойи дуюм - Иргашева Лола Илҳомовна, хонандаи Муассисаи давлатии таълимии «Литсейи президентӣ барои хонандагони болаёқати Тоҷикистон»;
3. Ҷойи сеюм - Бадалзода Зарнигори Маҳмуд, хонандаи Муассисаи давлатии таълимии «Литсейи президентӣ барои хонандагони болаёқат Тоҷикистон»;
4. Беҳтарин мураббии эътирофшудаи миллӣ - Бердникова Албина Павловна, омӯзгори Муассисаи давлатии таълимии «Литсейи президентӣ барои хонандагони болаёқати Тоҷикистон».
Дар баробари ин, дар номинатсияи “Беҳтарин мактаби миллӣ” Литсейи Президентӣ барои хонадагони болаёқати Тоҷикистон сазовори ҷойи сеюм гардид.
Ба иштирокчиёне, ки сазовори ҷойҳои намоён гардидаанд, аз ҷониби ташкилкунандагони чорабинӣ тӯҳфаҳои хотиравӣ тақдим карда шуд.

Олимпиадаи байналмилалии Жаутиков санаи 13-17 январ миёни 15 кишвар – Қазоқистон, Қирғизистон, Федератсияи Россия, Ӯзбекистон, Туркия, Булғористон, Туркманистон, Тоҷикистон, Руминия, Беларус, Сербия, Озарбойҷон, Гурҷистон, Арманистон ва Муғулистон дар шаҳри Остона бо иштироки беш аз 700 нафар хонанда баргузор гардид. Дар ин Олимпиада хонандаи синфи 10-уми МДТ "Литсейи президентӣ барои хонандагони болаёқати Тоҷикистон" ЮСУПОВ МЕҲРУБОН  аз фанни математика фаъолона иштирок намуда сазовори медали биринҷӣ гардид.
Бояд қайд намуд, ки Олимпиадаи байналмилалии Жаутиков аз рӯйи фанҳои математика, физика ва технологияи иттилоотӣ маротибаи 21-ум аст, ки аз ҷониби Вазорати маорифи Ҷумҳурии Қазоқистон, Маркази илмӣ-амалии “Дорин” ва Мактаби ҷумҳуриявии физика ва математика дар Ҷумҳурии Қазоқистон баргузор мегардад, ки дар он маҷмуи саволҳо аз ҷониби ҳакамони сатҳи ҷаҳонӣ тартиб дода шуда, малакаҳои назариявӣ ва амалии хонандагон санҷида мешавад. Иштирокдорон бо сертификати иштирок ва туҳфаҳои хотиравӣ ва ғолибон бошад бо дипломҳои дараҷавӣ ва медалҳои тило, нуқра ва биринҷӣ қадрдонӣ карда мешаванд.
 Бо истифода аз фурсат аз номи ҷомеаи меҳнатии литсей ба сарпарасти муассиса Президенти Ҷумҳурии Тоҷикистон муҳтарам Эмомалӣ Раҳмон, Вазорати маориф ва илми Ҷумҳурии Тоҷикистон, Маркази ҷумҳуриявии дарёфт ва рушди истеъдодҳо самимона изҳори сипос баён менамоем. 
Ба Меҳрубон Юсупов, ба муаллимаш Баротов Ҷонибек ва падару модари Меҳрубон барои заҳматҳояшон ташаккур ва ин дастовардро ба кулли хонандагону омӯзгорон, падару модарон ва нафароне, ки ба илм таваҷҷуҳ доранд, муборак мегӯем.

Баргузор намудани Шурои Созмони хонандагон дар Литсейи президентӣ оиди дар сатҳи баланд таҷлил намудандани 25 солагии таъсисёбии Созмони хонандагон ба номи Исмоили Сомонӣ

Санаи 25.12.2024 дар МД "Мактаби бачагонаи санъати ба номи Одина Ҳошим" маросими ҷамъбаст ва ҷоизасупории даври ноҳиявии олимпиадаҳои фаннии ноҳияи Сино баргузор гардид. Дар маросими ҷоизасупорӣ МДТ "Литсейи президентӣ барои хонандагони болаёқати Тоҷикистон" барои ғолиб гардидани ҷойи 2-юм дар номинатсияи "Панҷгонаи беҳтарин муассисаи таҳсилоти типи нави дар ҳаракати олимпӣ фаъоли ноҳия", фаъолияти назаррас дар рушди соҳаи маориф, ҳаракати олимпӣ, фароҳам овардани шароити мусоид барои иштироки фаъолона ва дастовардҳои хонандагони муассиса дар даври ноҳиявии олимпиадаҳои фаннӣ бо ҷом ва ифтихорномаи шуъбаи маорифи мақомоти иҷроияи ҳокимияти давлатии ноҳияи Синои шаҳри Душанбе сарфароз гардонида шуд.

19-уми декабри соли 2024 дар Кохи Суруш маросими ҷоизасупории ғолибони даври ҷумҳуриявӣ Дар чорабинии мазкур вазири маориф ва илми Ҷумҳурии Тоҷикистон Раҳим Саидзода, муовини якум ва муовинони вазири маориф ва илм, сардорони раёсату шуъбаҳо ва кормандони дастгоҳи марказӣ ва сохторҳои тобеъ, сардорони Сарраёсати маорифи шаҳри Душанбе, раёсатҳои маорифи вилоятҳо, мудирони шуъбаҳои маорифи шаҳру ноҳияҳои ҷумҳурӣ, хонандагону омӯзгорон ва дигар кормандони соҳа иштирок намуданд.
Вазири маориф ва илм зимни ифтитоҳи чорабинӣ иброз намуд, ки соҳаи маориф дар сиёсати пешгирифтаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мавқеи меҳварӣ дошта, дар яке аз суханрониҳои худ Сарвари давлат чунин таъкид доштанд: «Бунёди миллати мутамаддин аз маориф оғоз меёбад. Бинобар ин, ғамхорӣ ба илму маориф, яъне, ҳалли масъалаҳои дар ин самт ҷойдошта - сармоягузорӣ ба хотири рушди неруи инсонӣ мебошад».
Ҳамчунин қайд гардид, ки ғолибияти хонандагони тоҷик дар олимпиадаҳои сатҳи гуногун ба муаррифии мактабу маорифи миллӣ ва ташкили фазои рақобатпазир дар ин соҳа мусоидат мекунад. байналмилалии олимпиадаҳои фаннӣ дар соли 2024 баргузор гардид.
Дар чорабинии мазкур вазири маориф ва илми Ҷумҳурии Тоҷикистон Раҳим Саидзода, муовини якум ва муовинони вазири маориф ва илм, сардорони раёсату шуъбаҳо ва кормандони дастгоҳи марказӣ ва сохторҳои тобеъ, сардорони Сарраёсати маорифи шаҳри Душанбе, раёсатҳои маорифи вилоятҳо, мудирони шуъбаҳои маорифи шаҳру ноҳияҳои ҷумҳурӣ, хонандагону омӯзгорон ва дигар кормандони соҳа иштирок намуданд.
Вазири маориф ва илм зимни ифтитоҳи чорабинӣ иброз намуд, ки соҳаи маориф дар сиёсати пешгирифтаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мавқеи меҳварӣ дошта, дар яке аз суханрониҳои худ Сарвари давлат чунин таъкид доштанд: «Бунёди миллати мутамаддин аз маориф оғоз меёбад. Бинобар ин, ғамхорӣ ба илму маориф, яъне, ҳалли масъалаҳои дар ин самт ҷойдошта - сармоягузорӣ ба хотири рушди неруи инсонӣ мебошад».
Дар чорабинӣ аз рӯи ҷамъбасти олимпиадаҳо МДТ "Литсейи президентӣ барои хонандагони болаёқати Тоҷикистон" бо гирифтани 72 медал дар номинатсияи "Панҷгонаи беҳтарини муассисаҳои таҳсилоти умумии типпи нав дар ҳаракати олимпии соли 2024" сазовори ҷойи 2-юм дониста шуда бо СИПОСНОМАи Вазорати маориф ва илми Ҷумҳурии Тоҷикистон қадрдонӣ карда шуд.
Ин дастовардро ба кулли хонандагону омӯзгорон, волидон ва ҳаводорони муассиса муборак мегӯем ва аз номи маъмурияти муассиса ба сарпарасти муассиса Президенти Ҷумҳурии Тоҷикистон муҳтарам Эмомалӣ Раҳмон, Вазорати маориф ва илми Ҷумҳурии Тоҷикистон, Маркази ҷумҳуриявии дарёфт ва рушди истеъдодҳо самимона изҳори сипос мегӯем.

ЗИЁЕВ ҲУЗУРИДДИН- ДОНИШҶӮИ КУРСИ 5-УМИ ИХТИСОСИ ГЕОГРАФИЯ -БИОЛОГИЯИ ФАКУЛТЕТИ ГЕОГРАФИЯИ ДОНИШГОҲИ ДАВЛАТИИ ОМӮЗГОРИИ ТОҶИКИСТОН БА НОМИ САДРИДДИН АЙНӢ БАРОИ ТАЙЁР КАРДАНИ ШОГИРДОН ДАР ОЛИМПИАДАЮ ОЗМУНҲО БА ГИРИФТАНИ "АЪЛОЧИИ МАОРИФ ВА ИЛМИ ҶУМҲУРИИ ТОҶИКИСТОН" САЗОВОР ГАРДИД.
Қайд кардан ба маврид аст, ки дар соли равон шогирдонаш дар даврҳои ноҳиявӣ, шаҳрӣ ва ҷумҳуриявии Олимпиадаи фаннии хонандагон иштироки фаъолона менамоянд. Махсусан, дар соли таҳсили 2023-2024 15 нафар шогирдонаш дар даври ҷумҳуриявии олимпиадаи фаннии хонандагон сазовори ҷойҳои 1, 2 ва 3-юм гардиданд.
Ҳамзамон, 2 нафар шогирдаш дар даври ниҳоии озмуни ҷумҳуриявии "Илм фурӯғи маърифат" сазовори ҷойҳои 2-юм ва 3-юм гардида, бо мукофоти пулӣ дар ҳаҷми 25 000, 15 000 сомонӣ ва бо дипломи Президенти Ҷумҳурии Тоҷикистон муҳтарам Эмомалӣ Раҳмон сарфароз гардонида шуданд.
Аз ин рӯ омӯзгорон ва донишҷӯён Зиёев Ҳузуриддинро бо ин дастовард табрику муборакбод намуда ба ӯ дар оянда барору комёбиҳо таманно менамоянд.