Даври ноҳиявии озмуни шаҳрии “Забон донӣ – ҷаҳон донӣ”, оғоз гардид

Бо мақсади иҷрои қарори Раиси шаҳри Душанбе аз 25 феврали соли 2022, №86 “Дар бораи ташкил ва баргузории озмуни шаҳрии “Забон донӣ – ҷаҳон донӣ”, имрӯз аз ҷониби Муассисаи давлатии “Маркази дарёфт ва рушди истеъдодҳои ноҳияи Сино” дар Муассисаи таълимии хусусии “Мактаби муосири байналмилалӣ”, даври ноҳиявии озмуни шаҳрии “Забон донӣ – ҷаҳон донӣ” баргузор гардид.
Озмун бо мақсади мақсади ҷалби оммавии хонандагони муассисаҳои таҳсилоти миёнаи умумӣ ба забономӯзӣ, инкишофи зеҳнӣ ва ҷаҳонбинӣ, сайқал додани заковат ва малакаҳои забондонӣ, дарёфт, муаррифӣ ва ҳавасмандгардонии истеъдодҳои нав дар ин самтҳо баргузор мегардад.
Озмуни шаҳрии “Забон донӣ – ҷаҳон донӣ” байни хонандагони синфҳои 5-8 ва 9-11-и муассисаҳои таҳсилоти миёнаи умумии шаҳри Душанбе ва литсею гимназияҳо вобаста ба фанҳои забони тоҷикӣ, забони русӣ ва забони англисӣ дар ду бахш (назариявӣ ва амалӣ) аз рӯйи шартҳои зерин гузаронида мешавад:
- “Маҳорати суханварӣ” (бо се забон);
- “Эссе” (бо се забон);
- “Қироати шеър” (бо се забон);
- “Имло” (имлои дурусти калима дар матн);
- “Тарҷума” (пешниҳоди матни бадеии забони тоҷикӣ бо забонҳои русиву англисӣ).
Қайд кардан ба маврид аст, ки дар даври ноҳиявии озмуни шаҳрии “Забон донӣ – ҷаҳон донӣ” 268 нафар хонандагоне, ки дар даври муассисавӣ ғолиб омада буданд, ширкат варзиданд.

• ← Пред. новость
• След. новость →