Ғолибияту қадрдонии хонандагони литсей дар даври шаҳрии озмуни ҷумҳуриявии "Фурӯғи субҳи доноӣ китоб аст"

Бо ташаббуси Мақомоти иҷроияи ҳокимияти давлатии шаҳри Душанбе дар «Кохи Суруш» имрӯз, 6-уми сентябри соли ҷорӣ маросими тантанавии ҳавасмандгардонии ғолибони даври шаҳрии озмуни ҷумҳуриявии «Фурӯғи субҳи доноӣ китоб аст» баргузор гардид.
Муовини Раиси шаҳри Душанбе Одилзода Дилбар ғолибон ва иштирокчиёни озмунро аз номи Мақомоти иҷроияи ҳокимияти давлатии шаҳри Душанбе, бахусус аз номи Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ табрик намуда, барояшон дар даври ҷумҳуриявии озмун барору комёбӣ таманно намуд.

Боиси ифтихор ва сарбаландист, ки дар ин озмун омӯзгорону хонандаи МДТ "Литсей-интернати президентӣ барои кӯдакони болаёқати Ҷумҳурии Тоҷикистон" омӯзгори фанни забони давлатӣ СОБИРОВА ЗАРИНА аз номинатсияи "Адабиёти классикии тоҷик" сазовори ҷойи 3-юм, САЛИМЗОДА НОЗАНИН хонандаи синфи 11 аз номинатсияи "Адабиёти классикии тоҷик" сазовори ҷойи 2-юм, АСРОРОВА СУМАЯ хонандаи синфи 8 аз номинатсияи “Адабиёти ҷаҳон” зери роҳбарии омӯзгори фанни забони давлатӣ Назарова Рухсорамо сазовори ҷойи сеюм, АСРОРОВА ОИША хонандаи синфи 4 аз номинатсияи "Адабиёти ҷаҳон” зери роҳбарии омӯзгори синфҳои ибтидоӣ Бекназарова Мадина сазовори ҷойи сеюм гардида бо диплом ва мукофотпулӣ дар ҳаҷми 15 000 сомонӣ ва 10 000 сомонӣ сарфароз гардонида шуданд.
Аз номи ҷомеаи меҳнатии литсей ғолибонро таҳният гуфта, дар даври ниҳоии озмун муваффақият хоҳонем!