Литсей-интернати Президентӣ барои кӯдакони болаёқати Ҷумҳурии Тоҷикистон беҳтарин литсей дар ҳаракати олимпӣ дониста шуд

Санаи 28.12.2022 дар Донишгоҳи миллии Тоҷикистон маросими ҳавасмандгардонӣ ва ҷойизасупории ғолибони даври ҷумҳуриявӣ ва байналмилалии Олимпиадаҳои фаннӣ дар соли 2022 баргузор гардид, ки ба Муассисаи давлатии таълимии "Литсей-интернати президентӣ барои кӯдакони болаёқати Ҷумҳурии Тоҷикистон" дар ноҳияи Синои шаҳри Душанбе барои фаъолияти назаррас дар рушди соҳаи маориф, ҳаракати олимпӣ, фароҳам овардани шароити муносиб барои иштироки фаъолона ва дастовардҳои хонандагони муассиса дар даври ҷумҳуриявии олимпиадаҳои фаннӣ ва ишғоли ҷойи дуюм аз рӯи номинатсияи "Даҳ муассисаҳои таҳсилоти умумӣ дар ҳаракати олимпӣ фаъоли ҷумҳурӣ" бо "Ифтихорнома"-и Вазорати маориф ва илми Ҷумҳурии Тоҷикистон сарфарз гардонида шуд. Инчунин, ба директори литсей Ғайратзода Лайло Диловар, омӯзгори фанни ҳуқуқ Маҷидзода Зафар Толиб, омӯзгори фанни забони русӣ Ҳоҷиева Нодира Бобоевна, омӯзгори фанни биология Султонова Меҳрбону Сироҷиддиновна "Ифтихорнома", 5 ҳазор сомонӣ ва омӯзгори фанни математика Баротов Ҷонибек Ашуралиевич бо нишони "Аълочии маориф ва илми Ҷумҳурии Тоҷикистон" сарфароз гардонида шуданд.
Ин дастоварди бузургро ба кулли омӯзгорон, хонандагон ва волидон муборакбод гуфта, аз номи ҷомеаи меҳнатии литсей пеш аз ҳама ба сарпарасти литсей Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон барои шароити арзанда муҳайё намуданашон, ба Вазорати маориф ва илми Ҷумҳурии Тоҷикистон барои қадрдонӣ ва ба ҳамаи омӯзгорону хонандагон ва волидон барои заҳматҳояшон самимона изҳори СИПОС менамоем.