Баргузории ҳамоиши "Гирандагони Стипендияи Президенти Ҷумҳурии Тоҷикистон" соли таҳсили 2022-2023 дар Литсей-интернати Президентӣ

Санаи 01.02.2023 дар толори Муасиссаи давлатии таълимии "Литсей-интернати Президентӣ барои кӯдакони болаёқати Ҷумҳурии Тоҷикистон" ҳамоиши Гирандагони Стипендияи Президенти Ҷумҳурии Тоҷикистон соли таҳсили 2022-2023  баргузор гардид. Дар ҳамоиши мазкур Муовини раиси шаҳри Душанбе Одилзода Дилбар Раҳим, Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон  Абдулло Раҳмонзода, сардори Раёсати кор бо ҷавонон ва варзиши шаҳри Душанбе Раҳимзода Шоҳзод Абдулфаттоҳ, директори Литсей-интернати Президентӣ барои кӯдакони болаёқати Ҷумҳурии Тоҷикистон Ғайратзода Лайло Диловар ва хонандагони ноҳияҳои шаҳри Душанбе иштирок намуданд.

Ҳамоиши мазкурро сардори Раёсати кор бо ҷавонон ва варзиши шаҳри Душанбе Раҳимзода Шоҳзод Абдулфаттоҳ ҳусни оғоз бахшиданд, сипас сараввал сухан ба Муовини раиси шаҳри Душанбе Одилзода Дилбар Раҳим дода шуд. Одилзода Дилбар Раҳим ҳамаи хонандагони фаъоли шаҳри Душанберо ба ин муносибат таҳният гуфта ба онҳо хониши хубу аъло орзу намуданд. 

Сипас Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон  Абдулло Раҳмонзода ҳам дар ин ҳамоиш суханрони намуда ба ҳамаи хонандагон беҳтарин дастоварҳо ва хониш хубу аъло орзу намуданд. Абдулло Раҳмонзода аз дасгириҳо ва ташаббуҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар соҳаи маъорифи кишвар ёдовар шуда ва таъкид намуданд, ки ҳамеша пайравони Пешвои миллат бошанд, ва дар оянда кадрҳои боистеъдод ба воя расида ва ба миллати азизи худ хизмат кунанд.