| 2023 | 2024 | 2025 |
| Пн | Вт | Ср | Чт | Пт | Сб | Вс |
| 29 | 30 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | 1 | 2 |
Фуруғи субҳи донои китоб аст
Кушодашавии бинои нави иловагӣ ва хобгоҳи Литсейи Президентӣ барои хонандагони болаёқати Ҷумҳурии Тоҷикистон
ДАҲСОЛАИ БАЙНАЛМИЛАЛИИ АМАЛ «ОБ БАРОИ РУШДИ УСТУВОР» СОЛҲОИ 2018-2028"
Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рамзи «Соли рушди деҳот, сайёҳӣ ва ҳунарҳои мардумӣ»-ро бо мақсади муаррифии ҳамаҷонибаи иқдоми мазкур тасдиқ намуданд.
БИСТСОЛАИ ОМӮЗИШ ВА РУШДИ ИЛМҲОИ ТАБИӢ, ДАҚИҚ ВА РИЁЗӢ ДАР СОҲАИ ИЛМ ВА МАОРИФ. Бори нахуст аз фанни физика барои дарёфти Ҷоми АМИТ озмуни шаҳрӣ оғоз гардид
12 ноября 2020 04:11
Количество просмотров: 14916
Имрӯз дар Академияи миллии илмҳои Тоҷикистон /АМИТ/ бори нахуст байни хонандагони муассисаҳои таҳсилоти миёнаи умумӣ, литсей ва гимназияҳои шаҳри Душанбе аз фанни физика барои дарёфти Ҷоми Академияи миллии илмҳои Тоҷикистон озмуни шаҳрӣ оғоз гардид. Озмун дар доираи нақшаи чорабиниҳо оид ба татбиқи «Бистсолаи омӯзиш ва рушди илмҳои табиӣ, дақиқ ва риёзӣ дар соҳаи илм ва маориф» барои солҳои 2020-2040 ташкил гардидааст.
Зимни ифтитоҳи озмун президенти АМИТ, академик Фарҳод Раҳимӣ таъкид кард, ки илм як самти хосси фаъолияти инсон мебошад, ки вазифаи он коркард ва мураттаб гардонидани донишҳои объективӣ оид ба воқеият ва тарзи махсуси дарёфти донишҳои воқеист. Илм аз низоми ягона, ҳамбаста ва ривоҷёбандаи донишҳо оид ба олами берун ва қонунияти инкишофи он иборат аст. Дар баробари ин илм як ҷузви ҷудонашавандаи фарҳанги инсонист; кашфиёти он ба унвони донишҳои муназзами объективӣ дар бораи ҳастии моддию маънавӣ дар радифи дастовардҳои бузурги фарҳанги ҷаҳонӣ қадру арзёбӣ мешаванд. Аз ин маънӣ, сатҳи камолоти илмро дар ҷомеа нишондиҳандаи асосии дараҷаи рушди фарҳанги моддию маънавии миллат ва кафолати тараққиёти бемайлони давлати миллӣ ҳисоб кардан ҷоиз аст.
Ҳадафи асосии баргузор намудани озмун байни хонандагони муассисаҳои таълимиро президенти АМИТ дар дарёфти истеъдодҳо ва рушд додани қобилияти эҷодию зеҳнӣ маънидод намуд.
Ҳамзамон директорони Институти физика ва техникаи ба номи С. Умаров Фарҳод Шокир, Институти астрофизика Гулчеҳра Қоҳирова ва дигарон сухан карда, хонандагонро бо фаъолияти ин пажӯҳишгоҳҳои илмӣ шинос намуданд.
Озмун дар Институти физикаву техникаи ба номи С. Умарови АМИТ идома меёбад. Хонандагон бо озмоишгоҳҳои пажӯҳишгоҳҳои илмӣ-тадқиқотӣ шинос шуда, дар лексияҳои академикҳо, аъзо-корреспондентҳо ва директорони институтҳои соҳавии АМИТ иштирок менамоянд.
Олимпиада дар ду марҳила баргузор мешавад. Марҳилаи аввали озмун дар муассисаҳои таълимии пойтахт дар байни хонандагони синфҳои болоӣ баргузор гардид. Аз рӯи натиҷаҳои марҳилаи аввал ба даври дуввуми ниҳоӣ, ки дар пажӯҳишгоҳҳои илмӣ — тадқиқотии АМИТ баргузор мешаванд, беш аз 40 нафар ғолибон роҳ дода мешаванд.
Аз соли 2014 инҷониб АМИТ барои Ҷоми Академияи миллии илмҳои Тоҷикистон дар байни донишҷӯён олимпиадаи ҷумҳуриявӣ баргузор менамояд. Озмуни навбатӣ аз озмуни қаблӣ аз бисёр ҷиҳат фарқ мекунад. Масалан, он дар байни хонандагони муассисаҳои таълимӣ аз рӯи фанҳои муайян: физика — 12-13 ноябр, математика — 19-20 октябр, химия — 26-27 ноябр, география ва геология 3-4 декабр, биология ва зоология — 10-11 декабр гузаронида мешавад.
Озмуни мазкур аз 12 ноябр то 11 декабр идома меёбад.