Ҳаёти литсей
Таҷлили Иди Меҳргон дар МДТ "Литсей-интернати президентӣ барои кӯдакони болаёқати Ҷумҳурии Тоҷикистон"
21.10.2023
Количество просмотров: 242
Тибқи Қарори Ҳукумати Ҷумҳурии Тоҷикистон аз 5 августи соли 2009 дар ҷумҳурӣ Иди Меҳргон чун иди миллӣ таҷлил карда мешавад. Меҳргон ҳамасола дар саросари ҷумҳурӣ таҷлил гардида, мисли ҷашнҳои таърихии Наврӯз, Сада, Тиргон ва ғайраҳо аз қадимтарин идҳои миллии мардуми ориёинажод маҳсуб мешавад. Аз ин рӯ, 21-уми октябр дар литсей ин ид таҷлил карда шуд.
Сараввал муовини директор оид ба корҳои тарбиявӣ Сидиқзода Б.И. оиди таърихи ин ҷашн баромад намуда дар симои хонандагони литсей кулли мардуми шарифи Тоҷикистонро аз номи директор Ғайратзода Лайло Диловар ба ин ҷашни миллӣ табрику таҳният намуданд. Баъдан баромади хонандагону омӯзгорон пешкаш гардонида шуд. Дар фарҷом хонандагон аз маҳсулоти тозаи кишоварзӣ ҳар гуна чизҳо сохта, пешниҳоди тамошобинон намуданд.
Макони баргузорӣ: Литсей-интернати Президентӣ барои кӯдакони болаёқати Ҷумҳурии Тоҷикистон