ҒОЛИБИЯТ ДАР ДАВРИ НОҲИЯВИИ МУСОБИҚАИ ШАҲРИИ ҲАРБӢ-ВАРЗИШИИ "ВАТАНПАРВАР"

Бо мақсади тарбияи насли наврас дар рўҳияи худшиносию ватандўстӣ ва омода намудани хонандагон барои хизмат дар сафи Қувваҳои Мусаллаҳи Ҷумҳурии Тоҷикистон ва ба ифтихори 29-умин солгарди таъсисёбии Артиши миллии Ҷумҳурии Тоҷикистон даври ноҳиявии мусобиқаи шаҳрии ҳарбӣ- варзишии «Ватанпарвар» санаи 18.02.2022 дар МТМУ № 43 н. Сино баргузор гардид. Дар чорабинӣ 14 даста иборат аз 140 нафар хонанда ширкат варзида, ҳунару маҳорат ва омодагии худро барои хизмат дар сафи Қувваҳои Мусаллаҳи кишвар пешкаши ҳайати ҳакамон намуданд. Дар мусобиқа дастаи хонандагони литсей-интернати президентӣ барои кӯдакони болаёқати Ҷумҳурии Тоҷикистон сазовори ҷойи дуюм гардида, аз тарафи шуъбаи маорифи ноҳия бо ифтихорнома сарфароз гардонида шуданд.