Ба муносибати Рӯзи Президенти Ҷумҳурии Тоҷикистон дар Муассисаи давлатии таълимии "Литсейи Президентӣ барои хонандагони болаёқати Тоҷикистон" Конференсияи сатҳи ҷумҳуриявӣ доир гардид.

Имрӯз, бо ташаббуси Кумитаи иҷроияи Ҳизби Халқии Демократии Тоҷикистон дар ноҳияи Синои шаҳри Душанбе дар асоси дастуру супоришҳои Кумитаи иҷроияи ҲХДТ дар шаҳри Душанбе ва нақшаи кории Кумитаи иҷроия ҷиҳати сазовор таҷлил намудани “Рӯзи Президенти Ҷумҳурии Тоҷикистон” дар толори Муассисаи давлатии таълимии “Литсейи Президентӣ барои хонандагони болаёқати Тоҷикистон” дар шаҳри Душанбе таҳти унвони “Нақши муҳтарам Эмомалӣ Раҳмон дар рушди давлатдории миллӣ” Ҳамоиши ҳизбиён баргузор гардид.

Дар кори Ҳамоиш Ҳабибзода З.И. – мудири шуъбаи ташкилӣ ва кор бо кадрҳои Дастгоҳи КИМ ҲХДТ, Мирзозода И.Х. – Раиси Кумитаи иҷроияи ҲХДТ дар шаҳри Душанбе, Файзуллозода З.Ф. – раиси Кумитаи иҷроияи ҲХДТ дар ноҳияи Синои шаҳри Душанбе, Раҳмонова А.- иштирокчии Иҷлосияи XVI Шӯрои Олии Ҷумҳурии Тоҷикистон, Авзалов Ғ.А. - иштирокчии Иҷлосияи XVI Шӯрои Олии Ҷумҳурии Тоҷикистон, Олимов К. – академики Академияи миллии илмҳои Ҷумҳурии Тоҷикистон ва Исмоилзода М.И. – директори МДТ “Литсейи Президентӣ барои хонандагони болаёқати Тоҷикистон” дар шаҳри Душанбе иштирок намуда, доир ба нақши муҳтарам Пешвои миллат дар рушди давлатдории миллиамон маърӯзаҳо намуданд.

Инчунин, дар кори Ҳамоиш аъзои Кумитаи иҷроияи ҲХДТ дар ноҳияи Синои шаҳри Душанбе, вакилони Маҷлиси вакилони халқи шаҳри Душанбе аз ноҳияи Сино, вакилони Маҷлиси вакилони халқи ноҳияи Синои шаҳри Душанбе, раисони кумитаву ташкилотҳои ибтидоӣ, аъзои фаъоли ТҶҶ “Созандагони Ватан” ва доираи васеъи рӯзноманигорону хабранигорон иштирок доштанд.

Сараввал, раиси Кумитаи иҷроияи Ҳизби Халқии Демократии Тоҷикистон дар ноҳияи Синои шаҳри Душанбе Файзуллозода З.Ф. Ҳамоишро ифтитоҳ намуда, ҳозиринро бо ҷашни “Рӯзи Президенти Ҷумҳурии Тоҷикистон” ва солгарди навбатии Иҷлосияи XVI Шӯрои Олии Ҷумҳурии Тоҷикистон табрик намуданд.

Сипас, маърӯзачиён доир ба нақши муҳтарам Эмомалӣ Раҳмон дар рушди давлатдорӣ ва давлатсозии миллӣ маърӯзаҳо намуданд.

Пас аз ба итмом расидани маърӯзаҳо як қатор ҷавонони фаъоли ноҳия, аъзои ТҶҶ “Созандагони Ватан” бо Сипоснома ва Ифтихорномаи Кумитаи иҷроияи ҲХДТ дар ноҳияи Синои шаҳри Душанбе қадрдонӣ гардиданд.

Сипас, аз ҷониби хонандагони МДТ “Литсейи Президентӣ барои хонандагони болаёқати Тоҷикистон” дар шаҳри Душанбе қисмати бадеии Ҳамоиш доир гардид.

Пас аз итмоми қисмати бадеӣ, бо иштироки сарояндагони маъруфи кишвар қисмати фарҳангии Ҳамоиш доир гардид, ки табъи иштирокчиёни Ҳамоишро болида намуд.

Макони баргузорӣ: Литсейи Президентӣ барои хонандагони болаёқати Тоҷикистон дар шаҳри Душанбе