Чорабинии тантанавӣ бахшида ба 22-солагии таъсисёбии созмони хонандагон

Дар Литсей-интернати Президентӣ барои кӯдакони болаёқати Ҷумҳурии Тоҷикистон бахшида ба 22-солагии таъсисёбии Созмони хонандагони муассисаҳои таҳсилоти миёнаи умумии Ҷумҳурии Тоҷикистон ба номи Исмоили Сомонӣ чорабинии тантанавӣ баргузор гардид. 
      Дар чорабинӣ директори литсей Ғайратзода Лайло Диловар, омӯзгорону хонандагони муассиса ва инчунин меҳмонон директори Мактаб-интернати №1 шаҳри Душанбе Муқимова Дилором Муминовна, роҳбари Созмони хонандагон Сафарова Ширин, як гурӯҳ хонандагони Мактаб-интернат №1 ва мактаб-интернати санъати бачагонаи ба номи Миратулло Атоеви Ҷумҳурии Тоҷикистон иштирок ва баромад намуданд.
    Сараввал роҳбари Созмони хонандагони литсей Усмонов Абдулхайр Асрорович оид ба фаъолияти Созмони хонандагон баромад намуда, ҳозиринро ба рӯзи таъсисёбии Созмон самимона табрик намуданд. 
Сипас аз тарафи хонандагони литсей, Мактаб-интернати №1 ва Мактаб-интернати санъати бачагона барномаи фарҳангӣ пешниҳоди ҳозирин гардонида шуд.
     Дар охир муовини директор оид ба тарбия Сидиқзода Баракатуллои Исмоил меҳмононро аз номи маъмурияти муасисса ва Созмони хонандагон барои ҳамкорӣ ва баромадашон изҳори сипос намуда,  хуш омадед намуданд.

Макони баргузорӣ: Литсей-интернати Президентӣ барои кӯдакони болаёқати Ҷумҳурии Тоҷикистон