31 января 2020 08:01
Количество просмотров: 32899
Доктори илмҳои физика ва математика Гулхоҷа Ҷангибеков ба синни 70 расид. Раиси Вилояти Мухтори Кӯҳистони Бадахшон Ёдгор Файзов олими шинохтаи зодаи Бадахшонро ба ин синни муборак табрик гуфта, дар табрикоташ навиштааст, “зиндагиномаи шахсиятҳое, чун Гулхоҷа Ҷангибеков намунаи олии меҳнатдӯстиву фидокорӣ мебошад ва эшон бо кору пайкори худ барои халқу Ватан хизматҳои зиёдеро дар соҳаи илму маориф анҷом додаанд.” Гулхоҷа Ҷангибеков Аълочии маорифи Тоҷикистон ва барандаи ордени Шараф дараҷаи 2 мебошад. Фарзанди ӯ Шаҳлои Гулхоҷа аз хабарнигорони пуркори Радиои Озодӣ ва муҷрии “Ахбори Тоҷикистон ва ҷаҳон” – пуртамошобинтарин барномаи видеоии ин расона аст.