Дастоварди навбатии Литсей-интернати президентӣ.

    Аз 03-юм то 12-уми декабр дар шаҳри Давҳаи Қатар 16-ум олимпиадаи байналмилалии илмӣ барои наврасон аз фанҳои ФИЗИКА, ХИМИЯ ВА БИОЛОГИЯ баргузор гардид. Дар ин олимпиада беш аз 300 нафар иштирокчиён аз 70 давлати дунё ширкат намуданд, ки Ҷумҳурии Тоҷикистонро дар ин олимпиада 6 нафар хонандагони муассисаҳои таълимӣ намояндагӣ намуданд. Синну соли иштирокчиёни ин олимпиада то 15 соларо дарбар мегирифт. Иштирокчиён аз фанҳои ХИМИЯ, ФИЗИКА ВА БИОЛОГИЯ дар се давр - тестӣ, назариявӣ ва амалӣ қувваозмоӣ намуданд. Дар ин олимпиадаи бонуфуз хонандаи синфи 9-и ЛИТСЕЙ-ИНТЕРНАТИ ПРЕЗИДЕНТӢ Исроилов Олимҷон фаъолона ширкат намуда, аз миёни иштирокчиёни Тоҷикистон соҳиби медали биринҷӣ гардид.