Цветовая схема:
C C C C
Шрифт
Arial Times New Roman
Размер шрифта
A A A
Кернинг
1 2 3
Изображения:
JavaScript - Как сделать слайдер для сайта
БОДУ ҲАВО ДАР ШАҲРИ ДУШАНБЕ

Ҳаво ва гармӣ
Без названия.png

ТАҚВИМИ РӮЙДОДҲО

2021 2022 2023
Пн Вт Ср Чт Пт Сб Вс
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Фуруғи субҳи донои китоб аст 

furugi-subhi-donoi.png

Кушодашавии бинои нави иловагӣ ва хобгоҳи Литсейи Президентӣ барои хонандагони болаёқати Ҷумҳурии Тоҷикистон

ДАҲСОЛАИ БАЙНАЛМИЛАЛИИ АМАЛ «ОБ БАРОИ РУШДИ УСТУВОР» СОЛҲОИ 2018-2028"

300x200_vegigewny1b.gif

Пешниҳоди Ҷумҳурии Тоҷикистон бо қабули қатъномаи МУ СММ аз 21 декабри соли 2016 пазируфта шуд..
22222-1.jpg

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рамзи «Соли рушди деҳот, сайёҳӣ ва ҳунарҳои мардумӣ»-ро бо мақсади муаррифии ҳамаҷонибаи иқдоми мазкур тасдиқ намуданд.

2021-2040.jpg

Рӯзи истиқлолияти давлатии Ҷумҳурии Тоҷикистон муборак, ҳамдиёрон!

8 Сентября 2020 02:09

Количество просмотров: 2556

Истиқлолият- шукуфоиву пешрафти давлату миллат

Табрикоти Роҳбарияти Муассисаи давлатии таълимии Литсейи Президенти барои хонандагони болаёқати Тоҷикистон бахшида ба Рӯзи истиқлолияти давлатии Ҷумҳурии Тоҷикистон

 Ҳамдиёрони азиз!

Имрӯз мардуми шарафманду соҳибиқболи тоҷик, 29 – умин солгарди Истиқлолияти давлатии Ҷумҳурии Тоҷикистонро сарбаландона ҷашн мегиранд. Аз фурсати муносиб истифода бурда, ҳамаи Шуморо ба ин ҷашни бошукӯҳ табрик намуда, ба хонадони ҳар кадоми Шумо осудагӣ, хушбахтӣ ва тинҷию оромӣ таманно менамоям.

Истиқлолияти давлатӣ барои мо яке аз муқаддастарин ҷашнҳои миллӣ ба шумор рафта, рамзи озодии миллати тоҷик ва кишвари азизамон мебошад. Истиқлолият нишони озодӣ, ифтихор, номус, рамзи саодат ва бақои миллати тоҷик буда, Тоҷикистони азизи мо маҳз бо шарофати он ҳамчун узви ҷомеаи ҷаҳонӣ эътироф гардид ва дар харитаи сиёсии дунё бо ҳама хусусиятҳои давлатдорӣ арзи ҳастӣ намуд.

Дастоварди бузургтарини мо дар тӯли 29 соли Истиқлолият барқарор намудани сулҳу суботи комил ва ваҳдату пойдории миллӣ, таъмини рушди устувори иқтисодию иҷтимоӣ, таҳкими худшиносӣ, худогоҳӣ, болоравии ҳисси ватандӯстию ватандорӣ дар миёни тамоми табақаҳои ҷомеаи Тоҷикистон аст. Имрӯз мардуми сарбаланди тоҷик сиёсати оқилонаю хирадмандона ва дурандешонаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро дар бобати рушди   босуръати иқтисодиёту иҷтимоиёт ва ободии кишвари азизамон хуш пазируфта, дар фазои сулҳу оромӣ ва Ваҳдати комил барои баланд бардоштани иқтисодиёти кишварамон бо азму ғайрати бепоён меҳнат карда  истодаанд.

Фарҳангу маърифати баланди сиёсӣ, ватандӯстиву ватандорӣ яке аз рукнҳои асосии ташаккули давлатдорӣ ва худшиносии миллӣ буда, ҳар як ватандӯстро водор месозад, ки ифтихор аз ватан, миллат таъриху мероси фарҳангӣ дошта бошад ва ба арзишҳои умумибашарӣ дастовардҳои фарҳангии халқу миллатҳои дигар, пешрафти илму техникаи муосир эҳтиром гузошта, аз онҳо баҳра бардорад ва ба манфиату пешрафти Тоҷикистон равона созад.

Насли наврас ва ҷавононро дар рӯҳияи ватандӯстиву ифтихори миллӣ, садоқат ба анъанаву суннатҳои таърихиву фарҳангии миллат ва эҳтиром ба арзишҳои умумибашарӣ тарбия намоем. Онҳо бояд шахсони бо маърифат, эҷодкор, номбардори миллат ва давлати соҳибистиқлоли Тоҷикистон гарданд. Тоҷикистонро ҳамчун модари азизи худ дӯст доранд, аз он ифтихор кунанд ва ҳамчун гавҳараки ҷашм ҳифз намоянд. Зеро ҳаёт ва таҷрибаи давлатҳои ҷаҳон нишон медиҳад: дар ҷое, ки ҳамдигарфаҳмӣ, сулҳу осоиш ва ваҳдати миллӣ арзи вуҷуд дорад, тараққиёт, пешравӣ ва маданияти баланду рӯзгори осуда мавҷуд мебошад.

Имрӯз мо шукронаи онро мекунем, ки дар мамлакатамон марҳилаи созандагиву бунёдкорӣ ва эҳёи иқтисодии кишвар, таҳкими истиқлолияту амнияти иқтисодӣ, сиёсиву фарҳангии он инкишоф ёфта истодааст. Ҳамаи ин натиҷаи сиёсати хирадмандона ва дурандешонаи Асосгузори сулҳу  ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон буда, барои дар кишвар пойдор гардидани сулҳу субот, дӯстиву рафоқат, ҳамдилӣ ва ваҳдати миллӣ заҳматҳои зиёд кашидаю бо қатъият талош меварзад.

Мо бояд шукри ин даврон карда, ба қадри заҳматҳои дар роҳи таҳкими сулҳу ваҳдат, беҳбудии рӯзгор ба меҳнатҳои беандозаи Роҳбари давлат бирасем, дар атрофи чунин шахсияти ҷаҳоншинохта бештару зичтар  муттаҳид гардида, баҳри ҷомаи амал пӯшонидани маром ва ниятҳои неку наҷиби ин фарзанди арзандаи миллат неру, ғайрат ва ҳиммати хешро дареғ надорем.

Бо ҳамин ниятҳои нек дар ин лаҳзаҳои пурнишот ҷашни бузурги 29- солагии Истиқлолияти давлатии Ҷумҳурии Тоҷикистонро бори дигар ба кулли мардуми шарафманду сарбаланди тоҷик муборакбод гуфта, ба хонадони ҳар фарди Ватан сулҳу оромӣ, рӯзгори пурсаодат ва бахту иқболи баланд, тани  сиҳат, сарбаландию комёбиҳо дар кор, хонаи обод ва зиндагии осоиштаро орзу менамоям.

Ҷашни истиқлолу озодӣ муборак бошад, ҳамватанони азиз!