ЭЪЛОН БАРОИ ДАРЁФТИ СТИПЕНДИЯ

Мақомоти иҷроияи ҳокимияти давлатии шаҳри Душанбе бо мақсади дастгирӣ ва ҳавасманд намудани хонандагону донишҷӯёни муассисаҳои таълимии таҳсилоти умумӣ, ибтидоӣ ва миёнаи касбии шаҳри Душанбе озмунро барои дарёфти стипендияи Раиси шаҳри Душанбе эълон менамояд.
Довталабони стипендия хонандагону донишҷӯёне, ки дар байни ҳамсолон рафтори намунавӣ дошта, бо баҳои хубу аъло таҳсил менамоянд, инчунин дар корҳои ҷамъиятӣ иштироки фаъолона доранд, буда метавонанд:
Довталабоне, ки хоҳиши ширкат дар озмунро доранд, ҳуҷҷатҳои зеринро то соати 17:00-и санаи 20 ноябри соли 2020 ба Раёсати кор бо ҷавонон ва варзиши шаҳри Душанбе бо нишони кӯчаи Деҳотӣ 50 паси бинои Маркази миллии ташхис (Диагностика), метавонанд пешниҳод намоянд.
- аризаи довталаб (бо дастхати довталаб) барои иштирок дар озмун бо нишон додани номи муассисаи таълимӣ;
- тавсиянома аз тарафи маъмурияти муассисаи таълимӣ;
- рӯйхати баҳои солона, ҷамъбастӣ ва аттестатсияҳои давлатӣ, ки бо имзои директор ва муҳри муассисаи таълимӣ тасдиқ шудааст;
- 3 дона расми андозааш 3х4;
- нусхаи шиноснома ва ё шаҳодатнома дар бораи таваллуд;
Озмун дар доираи барномаи таълимӣ дар шакли санҷиши электронии тестӣ гузаронида мешавад.

Телефонҳо барои маълумот:
2341680, 934603031, 909 038787