Дастури омӯзишӣ барои омӯзгорон ва дигар кормандони соҳаи маориф оид ба фаъолият оғоз намудани муассисаҳои таълимӣ вобаста ба пешгирии интиқол ва пайдоиши сирояти нави коронавирус (COVID-19)

Муқаддима

Ин маҷмӯи маводи муқаддимавии мухтасар барои муайян намудани мушкилиҳое, ки муассисаҳои таълимӣ дар рафти азнавкушодашавӣ - оғози таҳсил ба он дучор мегарданд ва муқаррар намудани стратегияҳои дақиқ, ки чӣ гуна муассисаҳои таълимӣ барои хонандагон, шароити бехатар ва мусоидро фароҳам меоранд, нигаронида шудааст. Он ба омӯзгорон, хонандагон ва аҳли ҷомеа дастуру маслиҳатҳои амалӣ барои ҳамкорӣ пешниҳод менамояд, то ин ки муассисаҳои таълимӣ ҳамчун макони умед ва рушд хизмат намоянд. Ҳамчун омӯзгор ва роҳбари муассисаи таълимӣ, шумо эҳтимолан оид ба таҷрибаи душвор ва осебовар, ки ба он оилаҳо ва хонандагон дар натиҷаи мушкилиҳои вобаста ба вазъи саломатии аъзои оила дучор гарданд ва чӣ гуна он ба ҳаёти оянда ва орзуҳои онҳо таъсир мерасонад, хабардор хоҳед гашт. Маводи мазкур роҳбарони муассисаҳои таълимӣ ва масъулони соҳаи маорифро оид ба талаботҳои асосии он фикру мулоҳиза намудан ҳавасманд месозад: (I) бо мақсади бартараф намудани ҳамаи монеаҳо дар иштирок, омӯзиш ва некӯаҳволӣ таъмин намудани он ки тамоми кӯдакон ва наврасон имконияти иштирок дар таҳсилоти босифат ва фарогир дошта бошанд, таълим гирифта тавонанд ва ба таври мувофиқ нигоҳубину дастгирӣ карда шаванд; ва, (II) тақвият бахшидан ба устуворпазирии низоми мавҷуда ва иқтидори муассисаҳои таълимӣ, омӯзгорон ва кормандони соҳаи маориф баҳри амалӣ гардонидани таҳсилоти босифати фарогир барои тамоми кӯдакон, аз ҷумла, дар давраи буҳрон.

Талаботи асосии ҳуҷҷат ҳамчунин дар таҳлил банақшагирӣ, татбиқу баррасии стратегияҳои низоми маориф дар чор самти муҳими ба ҳамдигар алоқамандро тақвият мебахшанд:

1. Дастрасӣ ба таҳсил
   
2. Омӯзиши фарогир ва босифат
   
3. Некӯаҳволӣ (солимии рӯҳӣ ва дастгирии равонию иҷтимоӣ)
   
4. Ташкили муҳити бехатар дар муассисаҳои таълимӣ