Ҳаёти литсей
23-солагии таъсисёбии созмони хонандагон
23.02.2023
Количество просмотров: 3707
Дар Муасиссаи давлатии таълимии "Литсей-интернати президентӣ барои кӯдакони болаёқати Ҷумҳурии Тоҷикистон" бахшида ба 23-солагии таъсисёбии Созмони хонандагони муассисаҳои таҳсилоти миёнаи умумии Ҷумҳурии Тоҷикистон ба номи Исмоили Сомонӣ чорабинии тантанавӣ баргузор гардид.
Дар чорабинӣ директори литсей Ғайратзода Лайло Диловар, омӯзгорону хонандагони муассиса ва инчунин меҳмонон-волидон иштирок намуданд.
Сараввал роҳбари Созмони хонандагони литсей Усмонов Абдулхайр Асрорович оид ба фаъолияти Созмони хонандагон баромад намуда, ҳозиринро ба рӯзи таъсисёбии Созмон самимона табрик намуданд.
Сипас 63 нафар хонандагони синфи 5-ум ба сафи Созмон зинаи "Ворисони Сомониён" қабул карда шуданд ва аз тарафи хонандагони литсей барномаи фарҳангӣ пешниҳоди ҳозирин гардонида шуд.
Дар охир муовини директор оид ба тарбия Сидиқзода Баракатуллои Исмоил меҳмононро аз номи маъмурияти муасисса ва Созмони хонандагон барои ҳамкорӣ ва баромадашон изҳори сипос намуда, хуш омадед намуданд.
Макони баргузорӣ: Литсей-интернати Президентӣ барои кӯдакони болаёқати Ҷумҳурии Тоҷикистон