ТАҶЛИЛИ РӮЗИ ОМӮЗГОР ДАР ЛИТСЕЙ-ИНТЕРНАТИ ПРЕЗИДЕНТӢ

Имрӯз дар Литсей-интернати Президентӣ барои хонандагони болаёқати Ҷумҳурии Тоҷикистон ба муносибати Рӯзи омӯзгор чорабинии идонаи бошукӯҳ баргузор гардид, ки дар он роҳбарияти литсей, омӯзгорон, устодон ва хонандагон иштирок карданд. 

Дар оғози чорабини Ҷонишини директор оид ба тарбия Сиддиқзода Баракатуллоҳ Исмоил паёми шодбошии Директори Литсей Ғайратзода Лайло Диловарро ироа намуда, устодону омӯзгоронро  ба муносибати Иди касбиашон табрик намуд. Аз ҷумла зикр гардид, ки “Давлату ҳукумати мамлакат, шахсан Асосгузори сулҳу Ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соҳаи маорифро ҳамеша аз самтҳои муҳимтарини сиёсати иҷтимоӣ қарор дода, барои татбиқи амалии он ва таъмин намудани шароити ҳарчи беҳтар барои омӯзгорон ва наслҳои наврас ҳамаи тадбирҳои заруриро амалӣ мегардонад”. Дар тарбияи насли оянда ва ба воя расонидани нерӯи тавонои ватандӯсту ватанпарвар нақши омӯзгор бениҳоят бузург мебошад.

Дар фарҷоми хонандагони фаъоли литсейи бо суруду ҳаҷвҳои хеш хотири устодону омӯзгорони литсейро шод намуданд.

Макони баргузорӣ: Литсейи Президентӣ барои хонандагони болаёқати Тоҷикистон дар шаҳри Душанбе