Муассисаи давлатии "Маркази дарёфт ва рушди истеъдодҳои шаҳри Душанбе" иттилоъ медиҳад, ки тибқи натиҷаҳо ва таҳлилҳои маркази миллии тестӣ назди Президенти Ҷумҳурии Тоҷикистон ва маркази ҷумҳуриявии дарёфт ва рушди истеъдодҳо чор ноҳияи пойтахт дар "Даҳгонаи беҳтарин ноҳияҳои фаъол дар ҳаракати олимпии ҷумҳурӣ" шомил гардиданд.
✔ Дастаи олимпии ноҳияи Сино дар ҷойи якум бо гирифтани 64 медал:
- 5 медали тилло 
- 23 медали нуқра 
- 36 медали биринҷӣ 
✔ Дастаи олимпии ноҳияи Исмоили Сомонӣ дар ҷойи сеюм бо гирифтани 20 медал:
- 1 медали тилло 
- 7 медали нуқра 
- 12 медали биринҷӣ
✔ Дастаи олимпии ноҳияи Фирдавсӣ дар ҷойи панҷум бо гирифтани 17 медал:
- 5 медали нуқра 
- 12 медали биринҷи 
✔Дастаи олимпии ноҳияи Шоҳмансур дар ҷойи ҳаштум бо гирифтани 11 медал:
- 1 медали нуқра 
- 10 медали биринҷи

Тавре ки иттилоъ дода будем тибқи фармоиши вазири маориф ва илми Ҷумҳурии Тоҷикистон аз 27 то 31 марти соли равон дар Муассисаи давлатии таълимии "Мактаби байналмилалии Президентӣ" дар шаҳри Душанбе даври ҷумҳуриявии олимпиадаҳои фаннии хонандагони синфҳои 11 баргузор гардид. Дар олимпиадаи мазкур 331 довталаб аз муассисаҳои таълимии шаҳри Душанбе ширкат варзида 112 медал ба даст оварданд, ки аз ин шумора:

✔ 6 медали тилло 

✔36 медали нуқра 

✔70 медали биринҷи 

Муассисаи давлатии "Маркази дарёфт ва рушди истеъдодҳои назди Сарраёсати маорифи шаҳри Душанбе" дастоварди навбатии толибилмони шаҳри Душанберо ба кулли маорифчиёни пойтахт табрик намуда, минбаъд низ баҳри дар сафи пеш қарор гирифтани дастаи олимпии шаҳри Душанбе саъю кӯшишро ба харҷ медиҳад.

Тибқи фармоиши Вазири маориф ва илми Ҷумҳурии Тоҷикистон, дастаи мунтахаби ҷумҳурӣ иборат аз 3 нафар хонанда дар Олимпиадаи байналмилалии Туркманистон ба муносибати ҷашни 300-солагии шоир-мутафаккир Махтумқули Фироқӣ аз фанни математика, ки рӯзҳои 25-30 марти соли 2024 дар шаҳри Ашхободи Ҷумҳурии Туркманистон баргузор гардид, сафарбар карда шуда, сазовори як ҷойи II гардиданд.

– Юсупов Меҳрубон – хонандаи синфи 9 Муассисаи давлатии таълимии «Литсейи Президентӣ барои хонандагони болаёқати Тоҷикистон» дар шаҳри Душанбе ҷойи II;
– Зоиров Анушервон – хонандаи синфи 10 Муассисаи давлатии таълимии «Литсейи Президентӣ барои хонандагони болаёқати Тоҷикистон» дар шаҳри Душанбе;
– Душанов Абдулло – хонандаи синфи 7 Муассисаи давлатии таълимии «Литсейи Президентӣ барои хонандагони болаёқати Тоҷикистон» дар шаҳри Душанбе;

 Бояд гуфт, ки Олимпиада сатҳи баланд буда, дар он 137 нафар иштирокчиён аз 12 кишварҳои Осиё ва Аврупо аз он ҷумла, Ҷумҳурии Мардумии Чин, Россия, Эрон, Булғория, Қазокистон, Белоруссия, Арабистони Саудӣ, Қатар, Озорбайҷон, Ӯзбекистон, Туркманистон ва Тоҷикистон бо ҳам сабқати илмӣ намуданд. 

– Юсупов Меҳрубон – хонандаи синфи 9 Муассисаи давлатии таълимии «Литсейи Президентӣ барои хонандагони болаёқати Тоҷикистон» дар шаҳри Душанбе то ин ҷониб дар 5 Олимпиадаҳои сатҳи баланд аз фанни математика иштирок намуда соҳиби ҷойҳои ифтихорӣ гардидааст.

- Олимпиадаи байналмилалии  «InIMC-2021» ҷойи III дар Ҷумҳурии Индонезия.
- Олимпиадаи байналмилалии «EDUANT-2022» ҷойи I дар Ҷумҳурии Туркия
- Олимпиадаи байналмилалии «JBMO-2023» ҷойи III дар Ҷумҳурии Албания
- Олимпиадаи байналмилалии «BIMC-2023» ҷойи III дар Ҷумҳурии Булғория.
- Олимпиадаи байналмилалӣ ба номи «Махтумқули Фироқӣ» Ҷумҳурии Туркманистон 2024 ҷойи II.
  Ин дастовардро ба кулли омӯзгорону хонандагон ва волидон табрик гуфта ба хонандагон дар оянда боз ҳам мувафаққият таманно менамоем.

Субҳи имрӯз дар Муассисаи давлатии таълимии  «Мактаби байналмилалии Президентӣ» даври ҷумҳуриявии  Олимпиадаҳои фаннӣ барои синфҳои 11 -и муассисаҳои таълимии ҷумҳурӣ  оғоз гардид.
Дар маросими ифтитоҳии чорабинии мазкур вазири маориф ва илми Ҷумҳурии Тоҷикистон Саидзода Раҳим Ҳамро, директори Маркази миллии тестии назди Президенти Ҷумҳурии Тоҷикистон Ҷаъфарзода Сабзалӣ Файзалӣ, роҳбарияти «Маркази ҷумҳуриявии дарёфт ва рушди истеъдодҳо» , инчунин намояндагони дигари илму маорифи кишвар, меҳмонон, хонандагони макотиби миёна ва омӯзгорони муассисаҳои таълимӣ, ки дар ин марҳилаи олимпиада роҳ ёфтаанд, иштирок намуданд.
Зимни суханронӣ вазири маориф ва илми Ҷумҳурии Тоҷикистон Саидзода Раҳим Ҳамро  иброз намуд, ки соҳаи маориф зербинои асосии пешрафти ояндаи давлату миллат буда, маҳз бо дуруст ба роҳ мондани таълиму тарбияи насли наврас метавон ояндаи дурахшони миллатро таъмин намуд.
Сипас, Ҷаъфарзода Сабзалӣ Файзалӣ директори Маркази миллии тестии назди Президенти Ҷумҳурии Тоҷикистон  суханронӣ намуда, таъкид намуд, ки Олимпиада бо дарназардошти таъмини пурраи шаффофият гузаронида шуда, барои назорати пурраи озмунҳо синфхонаҳои имтиҳонӣ бо воситаҳои видеоӣ ва сабт  таъмин карда шудаанд.
Бояд гуфт , ки дар даври ҷумҳуриявии Олимпиадаи фаннӣ то 31 марти соли 2024 идома ёфта, дар он дар умум 1127 нафар хонандагони синфҳои 11-и муассисаҳои таълимии кишвар иштирок намуда, давоми 4 рӯз дар ду самт донишҳои илмии худро месанҷанд.
Зикр бояд кард, ки даври ҷумҳуриявии олимпиадаи фаннӣ, ки аз ҷониби МД «Маркази ҷумҳуриявии дарёфт ва рушди истеъдодҳо» ташкил карда шуд, минбари дарёфт ва рушди тафаккури илмии истеъдодҳои наврас дар байни хонандагони муассисаҳои таълимии кишвар хоҳад буд.  Ҳадаф аз баргузории Олимпиадаи фаннӣ ин ба ҳам овардани хонандагони болаёқат аз тамоми манотиқи кишвар буда,  муайян, муаррифӣ ва дастгирии маънавии онҳо дар сатҳи ҷумҳурӣ ба ҳисоб меравад.

Аз 21 то 31 март тамоми хонандагони муассисаҳои таҳсилоти миёнаи умумии мамлакат ба  таътили баҳорӣ мебароянд ва чоряки сеюми таҳсил ҷамъбаст мешавад, иттилоъ доданд аз маркази матбуоти Вазорати маориф ва илми Ҷумҳурии Тоҷикистон.

Таътили баҳорӣ танҳо ба хонандагон дахл дошта, омӯзгорон дар ин муддат ба корҳои методӣ ва гузаронидани маҷлисҳои падару модарон, суҳбат бо волидайни хонандагон ва чорабиниҳои таълимӣ ҷалб мешаванд. Инчунин ба хонандагон рӯйхати китобҳо тавсия мешавад, то дар таътили баҳорӣ онҳоро мутолиа намоянд.

Иброз гардид, ки Вазорати маориф ва илми Ҷумҳурии Тоҷикистон  барои дар руҳияи хештаншиносӣ ва ватанпарварӣ тарбия намудани насли наврас ҳамеша корҳои муфид ва барномаҳои тарбиявӣ амалӣ месозад.

Масъулини соҳаи маориф иброз медоранд, ки падару модарон ва роҳбарони синфҳо бояд саёҳат ташкил намуда, бачаҳоро  ба тамошои  ҷойҳои таърихӣ ва осорхонаҳо  баранд. Ҳамчунин роҳбарони синфҳо байни шогирдон сабқатҳои гуногуни шавқовар ороста, бояд оид ба муҳтавои китобҳои хондаашон суҳбат гузаронанд.

Инчунин ба хонандагон тавсия дода мешавад, ки дар давраи таътили баҳорӣ  бештар  ба  мутолиаи  асарҳои бадеӣ  машғул шуда, дониш ва ҷаҳонбинии маънавиашонро васеъ намоянд.

Тавре иттилоъ дода будем тибқи фармоиши Вазири маориф ва илми Ҷумҳурии Тоҷикистон, дастаи мунтахаби ҷумҳурӣ иборат аз 4 нафар хонанда дар 9-умин Олимпиадаи байналмилалии Қафқоз «CMO-2024» аз фанни математика, ки рӯзҳои 11-16 марти соли 2024 дар шаҳри Майкопи Ҷумҳурии Адигея баргузор гардид, иштирок намуданд. Дастаи олимпии пойтахтро Душанов Азамат – хонандаи синфи 11 Муассисаи давлатии таълимии «Литсейи Президентӣ барои хонандагони болаёқати Тоҷикистон» дар шаҳри Душанбе муаррифӣ намуд ва бо гирифтани ҷойи II шараф ва нуфузи пойтахти азизамон шаҳри Душанберо баланд бардошт.
Хотирнишон менамоем, ки дастоварди Душанов Азамат дар олимпиадаҳои байналмиллалӣ солҳои охир назаррас буда бараъло комёбиҳои ӯ мадди назар аст.

1. Дар олимпиадаи байналмилалии JBMO 2020 ҷойи 3- юм
2. Дар олимпиадаи байналмилалии JBMO 2021 ҷойи 1- ум
3. Олимпиадаи байналмилалии IGO 2021 ҷойи 3-юм.
4. Олимпиадаи байналмилалии CMO 2021 ҷойи 3- юм.
5. Олимпиадаи байналмилалии APMO 2022 ҷойи 3- юм.
6. Олимпиадаи байналмилалии IMC 2021 ҷойи 2- юм ва 3- юм.
7. Олимпиадаи байналмилалии IZHO 2023 ҷойи 3- юм.
8. Олимпиадаи байналмилалии IZHO 2024 ҷойи 3- юм.
9. Олимпиадаи байналмилалии CMO 2024 ҷойи 2- юм.
10. Даври ҷумҳуриявии озмуни ҷумҳуриявии илм фуруғи маърифат ҷойи 1- ум.
Дар фурудгоҳи байналмиллалӣ хонандагонро намояндагони воломақоми соҳа Вазорати маориф ва илми Ҷумҳурии Тоҷикистон, Маркази ҷумҳуриявии дарёфт ва рушди истеъдодҳо, Сарраёсати маорифи шаҳри Душанбе, Маркази дарёфт ва рушди истеъдодҳои шаҳри Душанбе ва роҳбарони муассисаҳои таълимӣ гарму самимӣ пешвоз гирифтанд. Ба роҳбарият ва омӯзгорони Муассисаи давлатии таълимии «Литсейи Президентӣ барои хонандагони болаёқати Тоҷикистон» дар шаҳри Душанбе ва ба кулли маорифчиёни пойтахт дастоварди беназир муборак бошад.

Бо мақсади дар амал татбиқ намудани Консепсияи гузариш ба таҳсилоти рақамӣ ва ташаккули ҳукумати электронӣ дар Ҷумҳурии Тоҷикистон аз ҷониби Муассисаи давлатии «Маркази таҳлилӣ-иттилоотии назди Сарраёсати маорифи шаҳри Душанбе» барномаи тахтаи интерактивии «eTalim» таҳия гардид. Дар ин хусус аз Муассисаи давлатии «Маркази таҳлилӣ-иттилоотии назди Сарраёсати маорифи шаҳри Душанбе» хабар доданд.
«Барнома пура бо забони тоҷикӣ таҳия гардида, ба корбарон-омӯзгорон имконият медиҳад, ки дар ҷараёни таълим аз он васеъ истифода намоянд. Интерфейси барнома содаву фаҳмо буда, корбарии он барои ҳамаи омӯзгорон дар назар гирифта шудааст. Тахтаи интерактивӣ дар раванди таълим ба омӯзгор имкон медиҳад, ки дарсро ҷолибу шавқовар гузаронад ва аз маводи мултимедиавӣ ва аёнӣ васеъ истифода намояд»,- иброз дошт Директори Маркази таҳлилӣ-иттилоотии назди Сарраёсати маорифи шаҳри Душанбе Зафар Муродзода.
Ба гуфтаи мавсуф, дар заминаи барнома роҳнамои истифодаи тахтаи интерактивӣ низ мураттаб гардида, дар бахши «Роҳнамо»-и барнома ҷойгир шудааст. Тарзи кор бо тахта дар он муфассалу мукаммал дарҷ гардида, ба омӯзгорон имкон медиҳад, ки истифодаи барномаро мустақилона аз худ намоянд.
«Ҳадаф аз таҳияи барнома самаранок гардонидани фаъолияти омӯзгор бо истифода аз технологияҳои рақамӣ дар раванди таълим мебошад. Тахтаи интерактивӣ дар байни техникаҳои муосири таълимӣ воситаи муҳим ба ҳисоб рафта, корбурди он дар дарс ба омўзгор имкон медиҳад, ки вақтро самаранок истифода намояд», -гуфт ҳамсуҳбати мо.
Дар баробари интерфейси тоҷикӣ барномаи «eTalim» барои омӯзгорон маводи ёрирасони ин ё он фанро пешниҳод менамояд. Дар бахши «Нигористон»-и барнома парвандаи фанҳои таълимӣ ва дигар маводи ёрирасон дода шудаанд, ки омӯзгор бо истифода аз он метавонад расму аломатҳои аёнии фанни таълимиро дар тахта намоиш диҳад.
Ҳамзамон бо тахтаи интерактивӣ корҳои амаливу лабораторӣ низ гузаронидан мумкин аст. Имконияти тахтаҳои интерактивӣ аксар вақт аз барномае, ки дар онҳо насб шудааст, вобаста аст. Аз ҷумла, маълумоти сабтшуда дар шакли электронӣ нигоҳ дошта мешавад ва онро дар принтери муқаррарӣ чоп намудан мумкин аст. Матн ва нақшаҳоро низ дар тахтаи интерактивӣ бо маркерҳои ранга сохтан имкон дорад. Ҳамзамон истифодаи ранг яке аз бартарии он мебошад, ки иттилоот равшан сохта шуда, самаранокии дарки онҳо ба таври назаррас афзоиш меёбад.
Тахтаи интерактивӣ дар синфхонаҳо метавонад ҷойгузини тахтаҳои анъанавӣ ва ё такмилдиҳандаи онҳо бошад. Ҷараёни дарс бо истифода аз тахтаҳои интерактивӣ шавқовар шуда, дараҷаи азхудкунии мавзуъ ташаккул меёбад. Бинобар ин, ба омӯзгори муосир зарур аст, ки дарсро бо истифода аз технологияи муосир, махсусан тахтаи интерактивӣ самаранок гузаронад.
Барномаи интерактивии «eTalim» барои омӯзгорони муассисаҳои таълимӣ муфид буда, вижагиҳо дорад, аз ҷумла забони барнома тоҷикӣ буда, дар он муқаддасоти миллӣ ва аксу нигораҳои адабиёти таълимӣ ҷой дода шудаанд. Имконияти барнома аз ҷониби Мутахассисони марказ мунтазам ташаккул дода шуда, вобаста ба истифодаи барнома дар муассисаҳои таҳсилоти миёнаи умумӣ машғулияти омӯзишӣ гузаронида мешаванд.
Ёдовар мешавем, ки бо қарори Ҳукумати мамлакат 30 августи соли 2022 Консепсияи гузариш ба таҳсилоти рақамӣ дар Ҷумҳурии Тоҷикистон барои давраи то соли 2042 тасдиқ гардид.
Ҳадаф аз гузариш ба таҳсилоти рақамӣ тавассути ТИК (технологияи иттилоотӣ-коммуникатсионӣ) дар муассисаҳои таҳсилоти миёнаи умумӣ тағйир додани шаклу усулҳои таълим ва ба талаботи давр мутобиқ намудани он мебошад. Он бо назардошти рушди ҷомеа ва навсозии системаи таҳсил таҳия шуда, аз ҷумла арзишҳои миллию башарӣ ва дастовардҳои илмию техникиро фаро мегирад.
Тибқи лоиҳа, Консепсияи гузариш ба таҳсилоти рақамӣ дар Ҷумҳурии Тоҷикистон дар се марҳила: солҳои 2023 – 2026, 2027 – 2030 ва 2030 – 2040 татбиқ мегардад.

Тибқи фармоиши Вазири маориф ва илми Ҷумҳурии Тоҷикистон, дастаи мунтахаби ҷумҳурӣ иборат аз 4 нафар хонанда дар 9-умин Олимпиадаи байналмилалии Қафқоз «CMO-2024» аз фанни математика, ки рӯзҳои 11-16 марти соли 2024 дар шаҳри Майкопи Ҷумҳурии Адигея баргузор гардид, иштирок намуданд. Дастаи  олимпии пойтахтро  Душанов Азамат – хонандаи синфи 11 Муассисаи давлатии таълимии «Литсейи Президентӣ барои хонандагони болаёқати Тоҷикистон» дар шаҳри Душанбе муаррифӣ намуд ва бо гирифтани ҷойи II шараф ва нуфузи пойтахти азизамон шаҳри Душанберо баланд бардошт.
Хотирнишон менамоем, ки дастоварди Душанов Азамат дар олимпиадаҳои байналмиллалӣ солҳои охир назаррас буда бараъло комёбиҳои ӯ мадди назар аст.

1. Дар олимпиадаи байналмилалии JBMO 2020 ҷойи 3 ум
2. Дар олимпиадаи байналмилалии JBMO 2021 ҷойи 1 ум
3. Олимпиадаи байналмилалии IGO 2021 ҷойи 3ум.
4. Олимпиадаи байналмилалии CMO 2021 ҷойи 3 ум.
5. Олимпиадаи байналмилалии APMO 2022 ҷойи 3 ум.
6. Олимпиадаи байналмилалии IMC 2021 ҷойи 2 ум ва 3 ум.
7. Олимпиадаи байналмилалии IZHO 2023 ҷойи 3 ум.
8. Олимпиадаи байналмилалии IZHO 2024 ҷойи 3 ум.
9. Ооимпиадаи байналмилалии CMO 2024 ҷойи 2 ум.
10. Даври ҷумҳуриявии озмуни ҷумҳуриявии илм фуруғи маърифат ҷойи 1 ум.
          Ба роҳбарият ва  омӯзгорони Муассисаи давлатии таълимии «Литсейи Президентӣ барои хонандагони болаёқати Тоҷикистон»  ва ба кулли маорифчиёни пойтахт дастоварди беназир муборак бошад.

Ба диққати роҳбарои муассисаҳои таълимӣ мерасонем, ки моҳи сентябри соли 2024 дар шаҳри Рими кишвари Итолиё 12-умин олимпиадаи байналмилалии  "HIPPO-2024" аз фанни забони англисӣ баргузор мегардад.
         Олимпиадаи мазкур аз рӯйи 7 категорияи синусолӣ баргузор гардида, дар он хонандагони синфҳои 1-11 имкони иштирок карданро доранд.  Олимпиада дар чор зина ва дар санаҳои зерин баргузор мегардад.
          - даври якум рӯзҳои 15-16-марти соли 2024 дар муассисаҳои таълимӣ
          - даври дуюм рӯзҳои 19-20-уми апрели соли 2024 дар Муассисаи давлатии "Маркази ҷумҳуриявии дарёфт ва рушди истеъдодҳо"  
          - даври минтақавӣ то 31-уми августи соли 2024 дар шаҳри  Истанбули ҷумҳурии Туркия 
          - даври ниҳоӣ то 30-юми сентябри соли 2024 дар шаҳри Рими кишвари Итолиё.